Fabian, in his chronicle, gives the following quaint account of the king’s answer to the patriarch, taken from the Chron. Joan Bromton: “Lasteley the kynge gaue answere, and sayde that he myghte not leue hys lande wythoute kepynge, nor yet leue yt to the praye and robbery of Frenchemen. But he wolde gyue largely of hys own to such as wolde take upon theym that vyge. Wyth thys answere the patryarke was dyscontente, and sayde, ‘We seke a man, and not money; welnere euery crysten regyon sendyth unto us money, but no land sendyth to us a prince. Therefore we aske a prynce that nedeth money, and not money that nedeth a prynce.’ But the kynge layde for hym suche excuses, that the patryarke departed from hym dyscontentyd and comforteless, whereof the kynge beynge aduertysed, entendynge somwhat to recomforte hym with pleasaunte words, folowed hym to the see syde. But the more the kynge thought to satysfye hym with hys fayre speche, the more the patryarke was dyscontentyd, in so myche that at the last he sayde unto hym, ‘Hytherto thou haste reygned gloryously, but here after thou shalt be forsaken of hym whom thou at thys tyme forsakeste. Thynke on hym what he hath gyuen to thee, and what thou haste yelden to him agayne: howe fyrste thou were false unto the kynge of Fraunce, and after slewe that holy man Thomas of Caunterburye, and lastely thou forsakeste the proteccyon of Crystes faith.’ The kynge was amoued wyth these wordes, and sayde unto the patryarke, ‘Though all the men of my lande were one bodye, and spake with one mouth, they durste not speke to me such wordys.’ ‘No wonder,’ sayde the patryarke, ‘for they loue thyne and not the; that ys to meane, they loue thy goodes temporall, and fere the for losse of promocyon, but they loue not thy soule.’ And when he hadde so sayde, he offeryd hys hedde to the kynge, sayenge, ‘Do by me ryghte as thou dyddest by that blessed man Thomas of Caunterburye, for I had leur to be slayne of the, then of the Sarasyns, for thou art worse than any Sarasyn.’ But the kynge kepte hys paycence, and sayde, ‘I may not wende oute of my lande, for myne own sonnes wyll aryse agayne me whan I were absente.’ ‘No wonder,’ sayde the patryarke, ‘for of the deuyll they come, and to the deuyll they shall go,’ and so departyd from the kynge in great ire.”[62]