it-bi-e-ma dGis sú-na-tam i-pa-ás-sar iz-za-kàr-am a-na um-mi-sú um-mi i-na sá-at mu-si-ti-ia sá-am-ha-ku-ma at-ta-na-al-la-ak i-na bi-ri-it it-lu-tim ib-ba-sú-nim-ma ka-ka-bu sá-ma-i [ki]-is-rù sá A-nim im-ku-ut a-na si-ri-ia ás-si-sú-ma ik-ta-bi-it e-li-ia ú-ni-is-sú-ma nu-us-sá-sú ú-ul il-ti-'i Urukki ma-tum pa-hi-ir e-li-sú it-lu-tum ú-na-sá-ku si-pi-sú ú-um-mi-id-ma pu-ti i-mi-du ia-ti ás-si-a-sú-ma ab-ba-la-ás-sú a-na si-ri-ki um-mi dGis mu-di-a-at ka-la-ma iz-za-kàr-am a-na dGis mi-in-di dGis sá ki-ma ka-ti i-na si-ri i-wa-li-id-ma ú-ra-ab-bi-sú sá-du-ú ta-mar-sú-ma [kima Sal(?)] ta-ha-du at-ta it-lu-tum ú-na-sá-ku si-pi-sú tí-it-ti-ra-ás-[sú tu-ut]-tu-ú-ma ta-tar-ra-[as-su] a-na si-[ri]-ia [us]-ti-nim-ma i-ta-mar sá-ni-tam [sú-na]-ta i-ta-wa-a-am a-na um-mi-sú [um-mi] a-ta-mar sá-ni-tam [sú-na-tu a-ta]-mar e-mi-a i-na su-ki-im [sá Uruk]ki ri-bi-tim ha-as-si-nu na-di-i-ma e-li-sú pa-ah-ru ha-as-si-nu-um-ma sá-ni bu-nu-sú a-mur-sú-ma ah-ta-du a-na-ku a-ra-am-sú-ma ki-ma ás-sá-tim a-ha-ab-bu-ub el-sú el-ki-sú-ma ás-ta-ka-an-sú a-na a-hi-ia um-mi dGis mu-da-at [ka]-la-ma [iz-za-kàr-am a-na dGis] [dGis sá ta-mu-ru amêlu] [ta-ha-ab-bu-ub ki-ma ás-sá-tim el-sú] Col. II. ás-sum us-[ta]-ma-ha-ru it-ti-ka dGis sú-na-tam i-pa-sar dEn-ki-[du wa]-si-ib ma-har ha-ri-im-tim ur-[sá ir]-ha-mu di-da-sá(?) ip-tí-[e] [dEn-ki]-du im-ta-si a-sar i-wa-al-du ûm, 6 ù 7 mu-si-a-tim dEn-[ki-du] ti-bi-i-ma sá-[am-ka-ta] ir-hi ha-[ri-im-tum pa-a]-sá i-pu-sá-am-ma iz-za-[kàr-am] a-na dEn-ki-du a-na-tal-ka dEn-ki-du ki-ma ili ta-ba-ás-si am-mi-nim it-ti na-ma-ás-te-e ta-at-ta-[na-al]-ak si-ra-am al-kam lu-úr-di-ka a-na libbi [Urukki] ri-bi-tim a-na bît [el]-lim mu-sá-bi sá A-nim dEn-ki-du ti-bi lu-ru-ka a-na Ê-[an]-na mu-sá-bi sá A-nim a-sar [dGis gi]-it-ma-[lu] ne-pi-si-tim ù at-[ta] ki-[ma Sal ta-ha]-bu-[ub]-sú ta-[ra-am-sú ki-ma] ra-ma-an-ka al-ka ti-ba i-[na] ga-ag-ga-ri ma-a-ag-ri-i-im is-me a-wa-as-sa im-ta-har ga-ba-sá mi-il-[kum] sá assatim im-ta-ku-ut a-na libbi-sú is-hu-ut li-ib-sá-am is-ti-nam ú-la-ab-bi-is-sú li-ib-[sá-am] sá-ni-a-am si-i it-ta-al-ba-ás sa-ab-tat ga-as-su ki-ma [ili] i-ri-id-di-sú a-na gu-up-ri sá-ri-i-im a-sar tar-ba-si-im i-na [ás]-ri-sú [im]-hu-ruri-ia-ú [ù sú-u dEn-ki-du i-lit-ta-sú sá-du-um-ma] [it-ti sabâti-ma ik-ka-la sam-ma] [it-ti bu-lim mas-ka-a i-sat-ti] [it-ti na-ma-ás-te-e mê i-tab lib-ba-sú] (Perhaps one additional line missing.) Col. III.