si-iz-ba sá na-ma-ás-te-e i-te-en-ni-ik a-ka-lam is-ku-nu ma-har-sú ib-tí-ik-ma i-na-at-tal ù ip-pa-al-la-as ú-ul i-di dEn-ki-du aklam a-na a-ka-lim sikaram a-na sá-te-e-im la-a lum-mu-ud ha-ri-im-tum pi-sá i-pu-sá-am-ma iz-za-kàr-am a-na dEn-ki-du a-ku-ul ak-lam dEn-ki-du zi-ma-at ba-la-ti-im sikaram si-ti si-im-ti ma-ti i-ku-ul a-ak-lam dEn-ki-du a-di si-bi-e-sú sikaram is-ti-a-am 7 as-sa-am-mi-im it-tap-sar kab-ta-tum i-na-an-gu i-li-is libba-sú-ma pa-nu-sú [it]-tam-ru ul-tap-pi-it [lùSÚ]-I sú-hu-ra-am pa-ga-ar-sú sá-am-nam ip-ta-sá-ás-ma a-we-li-is i-we il-ba-ás li-ib-sá-am ki-ma mu-ti i-ba-ás-si il-ki ka-ak-ka-sú la-bi ú-gi-ir-ri us-sa-ak-pu re'ûti mu-si-a-tim ut-tap-pi-is sib-ba-ri la-bi uk-ta-si-id it-ti-[lu] na-ki-[di-e] ra-bu-tum dEn-ki-du ma-as-sa-ar-sú-nu a-we-lum gis-ru-um is-te-en it-lum a-na [na-ki-di-e(?) i]-za-ak-ki-ir (About five lines missing.) Col. IV. (About eight lines missing.) i-ip-pu-us ul-sa-am is-si-ma i-ni-i-sú i-ta-mar a-we-lam iz-za-kàr-am a-na harimtim sá-am-ka-at uk-ki-si a-we-lam a-na mi-nim il-li-kam zi-ki-ir-sú lu-us-sú ha-ri-im-tum is-ta-si a-we-lam i-ba-us-su-um-ma i-ta-mar-sú e-di-il e-es ta-hi-[il-la]-am lim-nu a-la-ku ma-na-ah-[ti]-ka e-pi-sú i-pu-sá-am-ma iz-za-kàr-am a-na dEn-[ki-du] bi-ti-is e-mu-tim ik ...... si-ma-a-at ni-si-i-ma tu-a-(?)-ar e-lu-tim a-na âli(?) dup-sak-ki-i e-si-en uk-la-at âli(?) e-mi-sa a-a-ha-tim a-na sarri sá Urukki ri-bi-tim pi-ti pu-uk episi(-si) a-na ha-a-a-ri a-na dGis sarri sá Urukki ri-bi-tim pi-ti pu-uk episi(-si) a-na ha-a-a-ri ás-sa-at si-ma-tim i-ra-ah-hi sú-ú pa-na-nu-um-ma mu-uk wa-ar-ka-nu i-na mi-il-ki sá ili ga-bi-ma i-na bi-ti-ik a-bu-un-na-ti-sú si-ma-as-su a-na zi-ik-ri it-li-im i-ri-ku pa-nu-sú (About three lines missing.) Col. V. (About six lines missing.) i-il-la-ak [dEn-ki-du i-na pa-ni] u-sá-am-ka-at [wa]-ar-ki-sú i-ru-ub-ma a-na libbi Urukki ri-bi-tim ip-hur um-ma-nu-um i-na si-ri-sú iz-zi-za-am-ma i-na su-ki-im sá Urukki ri-bi-tim pa-ah-ra-a-ma ni-sú i-ta-wa-a i-na si-ri-sú a-na salam dGis ma-si-il pi-it-tam la-nam sá-pi-il si-ma .... [sá-ki-i pu]-uk-ku-ul ............. i-pa-ka-du i-[na mâti da-an e-mu]-ki i-wa si-iz-ba sá na-ma-as-te-e i-te-en-ni-ik ka-a-a-na i-na [libbi] Urukki kak-ki-a-tum it-lu-tum ú-te-el-li-lu sá-ki-in ur-sá-nu a-na itli sá i-sá-ru zi-mu-sú a-na dGis ki-ma i-li-im sá-ki-is-sum me-ih-rù a-na dIs-ha-ra ma-a-a-lum na-di-i-ma dGis it-[ti-il-ma wa-ar-ka-tim] i-na mu-si in-ni-[ib-bi]-it i-na-ag-sá-am-ma it-ta-[zi-iz dEn-ki-du] i-na sûkim ip-ta-ra-[as a-la]-ak-tam sá dGis [a-na e-pi-is] da-na-ni-is-sú (About three lines missing.) Col. VI. (About four lines missing.)