_Las, mais ce doulx passetemps Ne nous dura pas long temps: Car la mort ayant anvie Sur l'ayse de nostre vie, Envoya devers Pluton Nostre petit Peloton, Qui maintenant se pourmeine Parmi ceste umbreuse plaine, Dont nul ne revient vers nous._ _THE CAT_ _Pourquoy je suis tant esperdu Ce n'est pas pour avoir perdu Mes anneaux, mon argent, ma bource: Et pourquoy est ce donc? pource Que j'ay perdu depuis trois jours Mon bien, mon plaisir, mes amours: Et quoy? o Souvenance greve A peu que le cueur ne me creve Quand j'en parle ou quand j'en ecris: C'est Belaud, mon petit chat gris: Belaud qui fust, paraventure Le plus bel oeuvre que nature Feit onc en matiere de chats: C'etoit Belaud, la mort au rats Belaud dont la beaute fut telle Qu'elle est digne d'estre immortelle._ _Mon-dieu, quel passetemps c'estoit Quand ce Belaud vire-voltoit Follastre autour d'une pelote! Quel plaisir, quand sa teste sotte Suyvant sa queue en mille tours, D'un rouet imitoit le cours! Ou quand assis sur le derriere Il s'en faisoit une jartiere, Et monstrant l'estomac velu De panne blanche crespelu,_ _Sembloit, tant sa trogne estoit bonne, Quelque docteur de la Sorbonne! Ou quand alors qu'on l'animoit, A coups de patte il escrimoit, Et puis appasoit sa cholere Tout soudain qu'on luy faisoit chere._ _Belaud estoit mon cher mignon, Belaud estoit mon compagnon A la chambre, au lict, a la table, Belaud estoit plus accointable Que n'est un petit chien friand, Et de nuict n'alloit point criand Comme ces gros marcoux terribles, En longs miaudemens horribles: Aussi le petit mitouard N'entra jamais en matouard: Et en Belaud, quelle disgrace! De Belaud s'est perdue la race. Que pleust a Dieu, petit Belon, Qui j'eusse l'esprit assez bon, De pouvoir en quelque beau style Blasonner ta grace gentile, D'un vers aussi mignard que toy: Belaud, je te promets ma foy, Que tu vivrois, tant que sur terre Les chats aux rats feront la guerre._ MALHERBE. The French Renaissance ended in the Classic. The fate of all that exuberance was to find order, and that chaos of generation settled down to the obedience of unchanging laws. This transition, which fixed, perhaps for ever, the nature of the French tongue, is bound up with the name of Malherbe.