Lachlan was sitting on a chair in the middle of the kitchen with Elsie, Mrs. Macfadyen's pet child, on his knee, and their heads so close together that his white hair was mingling with her burnished gold. An odour of peppermint floated out at the door, and Elsie was explaining to Lachlan, for his guidance at the shop, that the round drops were a better bargain than the black and white rock. When Lachlan had departed, with gracious words on his lips and a very sticky imprint on his right cheek, I settled down in the big chair, beyond the power of speech, and Mrs. Macfadyen opened the mystery. "Ye may weel look, for twa month syne I wudna hae believed this day, though a' hed seen him wi' ma ain een. "It was juist this time laist year that he cam here on his elder's veesitation, and he catches the bairn in this verra kitchen. "'Elspeth,' says he--it was Elsie the day, ye mind--'div ye ken that ye're an oreeginal sinner?' "It was nichtfa' afore she got over the fricht, and when she saw him on the road next Sabbath, she cooried in ahint ma goon, and cried till I thocht her hert wud break. "'It's meeserable wark for Christ's Elder,' says Jeems, 'tae put the fear o' death on a bairn, and a'm thinkin' he wudna get muckle thanks frae his Maister if He wes here,' and Jeems wasna far wrong, though, of course, a' told him tae keep a quiet sough, and no conter the elder. "Weel, I sees Lachlan comin' up the road the day, and a' ran oot to catch Elsie and hide her in the byre. But a' micht hae saved mysel' the trouble: afore I got tae the gairden gate they were comin' up as chief (friendly) as ye like, and Lachlan wes callin' Elsie his bonnie dawtie. "If he hadna a pock o' peppermints--but it wesna that wiled Elsie's hert. Na, na, dogs and bairns can read fouks' faces, and mak nae mistakes. As sune as a' saw Lachlan's een a' kent he wes a new man. "Hoo has it come about? That's easy tae guess. Sax months syne Lachlan didna ken what father meant, and the heart wes wizened in the breist o' him wi' pride an' diveenity. "He kens noo, and a'm jalousing that nae man can be a richt father tae his ain without being sib (akin) tae every bairn he sees. It wes Flora he was dawting (petting) ye see the day, and he's learned his trade weel, though it cost him a sair lesson." Wonderful stories circulated through the glen, and were told in the kirkyard of a Sabbath morning, concerning the transformation of Lachlan Campbell. "Ane o' ma wee lassies," expatiated Domsie, "fell comin' doon the near road frae Whinnie Knowe, and cuttit her cheek on the stones, and if Lachlan didna wash her face and comfort her; an' mair, he carried her a' the road tae the schule, and says he in his Hieland way, 'Here iss a brave little woman that hass hurt herself, but she will not be crying,' and he gave her a kiss and a penny tae buy some sweeties at the shop. It minded me o' the Gude Samaritan, fouks," and everybody understood that Lachlan had captured Domsie for life.