*103* Ex quibus illud intellegitur, ut ad officii formam revertamur, appetitus omnes contrahendos sedandosque esse excitandamque animadversionem et diligentiam, ut ne quid temere ac fortuito, inconsiderate neglegenterque agamus. Neque enim ita generati a natura sumus, ut ad ludum et iocum facti esse videamur, ad severitatem potius et ad quaedam studia graviora atque maiora. Ludo autem et ioco uti illo quidem licet, sed sicut somno et quietibus ceteris tum, cum gravibus seriisque rebus satis fecerimus. Ipsumque genus iocandi non profusum nec immodestum, sed ingenuum et facetum esse debet. Ut enim pueris non omnem ludendi licentiam damus, sed eam, quae ab honestatis actionibus non sit aliena, sic in ipso ioco aliquod probi ingenii lumen eluceat. *104* Duplex omnino est iocandi genus, unum illiberale, petulans, flagitiosum, obscenum, alterum elegans, urbanum, ingeniosum, facetum. Quo genere non modo Plautus noster et Atticorum antiqua comoedia, sed etiam philosophorum Socraticorum libri referti sunt, multaque multorum facete dicta, ut ea, quae a sene Catone collecta sunt, quae vocant ἀποφθέγματα. Facilis igitur est distinctio ingenui et illiberalis ioci. Alter est, si tempore fit, ut si remisso animo, _gravissimo_ homine dignus,[95] alter ne libero quidem, si rerum turpitudini adhibetur verborum[96] obscenitas. Ludendi etiam est quidam modus retinendus, ut ne nimis omnia profundamus elatique voluptate in aliquam turpitudinem delabamur. Suppeditant autem et campus noster et studia venandi honesta exempla ludendi. [93] _discriptio_ B H, Bt.^1; _descriptio_ A L a b c, Bt.^2, Müller, Heine. [94] _ii_ Edd.; _hi_ a; _hii_ H; _hij_ c. [95] _fit, ut si remisso animo, gravissimo homine dignus_ Ed.; _fit, ut_ (_et_ c) _remisso animo homine dignus_ MSS.; _fit aut si rem. an. magno homine_ Madvig; _fit, ut sit remissio animo, homine dignus_ Unger. [96] _turpitudini adhibetur verborum_ A B H a b, Edd.; _turpitudo adhibetur et verborum_ L c. XXIX. Again, every action ought to be free from undue haste or carelessness; neither ought we to do anything for which we cannot assign a reasonable motive; for in these words we have practically a definition of duty.