Then was there nought but bow and speir, And every man pull'd out a brand; "A Schafton and a Fenwick" thare: 75 Gude Symington was slain frae hand. The Scotsmen cried on other to stand, Frae time they saw John Robson slain-- What should they cry? the King's command Could cause no cowards turn again. 80 Up rose the laird to red the cumber, Which would not be for all his boast; What could we doe with sic a number-- Fyve thousand men into a host? Then Henry Purdie proved his cost, 85 And very narrowlie had mischief'd him, And there we had our warden lost, Wert not the grit God he relieved him. Another throw the breiks him bair, Whill flatlies to the ground he fell: 90 Than thought I weel we had lost him there, Into my stomack it struck a knell! Yet up he raise, the treuth to tell ye, And laid about him dints full dour; His horsemen they raid sturdily, 95 And stude about him in the stoure. Then raise the slogan with ane shout-- "Fy, Tindaill, to it! Jedburgh's here!"[L98] I trow he was not half sae stout, But anis his stomach was asteir. 100 With gun and genzie, bow and speir, Men might see mony a cracked crown! But up amang the merchant geir, They were as busy as we were down. The swallow taill frae tackles flew, 105 Five hundredth flain into a flight: But we had pestelets enew, And shot among them as we might. With help of God the game gaed right, Fra time the foremost of them fell; 110 Then ower the know, without goodnight, They ran with mony a shout and yell. But after they had turned backs, Yet Tindail men they turn'd again, And had not been the merchant packs,[L115] 115 There had been mae of Scotland slain. But, Jesu! if the folks were fain To put the bussing on their thies; And so they fled, wi' a' their main, Down ower the brae, like clogged bees. 120 Sir Francis Russell ta'en was there,[L121] And hurt, as we hear men rehearse; Proud Wallinton was wounded sair,[L123] Albeit he be a Fennick fierce. But if ye wald a souldier search, 125 Among them a' were ta'en that night, Was nane sae wordie to put in verse, As Collingwood, that courteous knight.[L128]