Dico igitur tibi quod volo ordinari quæ superius narravi exponere, et ideo volo ovum philosophorum et partes philosophici ovi investigare, nam hoc est initium ad alia. [_Calcem[345] igitur diligenter_] aquis alkali et aliis aquis acutis [_purifica_], et variis contritionibus cum salibus confrica[346] et pluribus assationibus concrema, [_ut fiat terra pura penitus liberata ab aliis elementis_[347]], quam tibi pro meæ longitudinis statura dignam duco. Intellige si potes, quia proculdubio erit compostum ex elementis, et ideo est pars lapidis qui non est lapis,[348] et est in quolibet homine et in quolibet loco hominis.... Deinde oleum ad modum crocei casei et viscosi accipias,[349] primo ictu insecabile, cujus tota virtus ignea dividatur et separetur per distillationem; [_dissolvatur[350] autem in aqua_] acuta temporatæ acuitatis [_cum igne levi,[351] ut decoquatur quatenus separetur pinguedo sua_[352]], sicut pinguedo in carnibus.... Melius est tamen ut decoquatur in aquis temporatis in acuitate [_donec purgatur et dealbetur_]. Aqua vero salutaris exaltatio fit ex igne secco vel humido; et [_iteretur distillatio_] ut effectum bonitatis recipiat sufficienter [_donec rectificetur: rectificationis novissima signa sunt candor et crystallina serenitas_[353]]; et cum cætera[354] nigrescunt ab igne hoc albescit, mundatur, serenitate nitescit et splendore mirabili. [_Ex hac aqua_] et terra sua argentum vivum generatur, quod est sicut argentum vivum in mineralibus, et quando incandidit hoc modo [_materia congelatur. Lapis vero Aristotelis, qui non est lapis, ponitur in pyramide in loco calido_[355]]. CAP. X. _De eodem, sed alio modo._[356]