Carolus Dei gratia, Magnæ Britanniæ, Franciæ, & Hiberniæ Rex, fidcique Defensor, Omnibus probis hominibus suis ad quos præsentes literæ pervenerint, Salutem. Sciatis nos considerantes magnos in hoc regno nostro Scotiæ non ita pridem exortos tumultus, ad quos quidem componendos multiplices regiæ nostræ voluntatis declaretiones promulgavimus, quæ tamen minorem spe nostrâ effectum hactenus sortitæ sunt: Et nunc statuentes ex pio erga dictum antiquum regnum nostrum affectu, ut omnia gratiosè stabiliantur & instaurentur, quod (per absentiam nostram) non aliâ ratione melius effici potest quam fideli aliquo Delegato constituto, cui potestatem credere possimus tumultus hujusmodi consopiendi, aliaque officia præstandi, quæ in bonum & commodum dicti antiqui regni nostri eidem Delegato nostro imperare nobis videbitur. Cumque satis compertum habeamus obsequium, diligentiam, & fidem prædilecti nostri consanguinei & consiliarii, JACOBI MARCHIONIS HAMILTONII, Comitis Arraniœ & Cantabrigiæ, Domini Aven & Innerdail, &c. eundemque ad imperata nostra exequenda sufficienter inatructum esse, Idcirco fecisse & constituisse, tenoreque præsentium facere & constituere præfatum prædilectum nostrum consanguineum & consiliarium JACOBUM MARCHIONEM de HAMILTOUN nostrum Commissionarium ad effectum subscriptum. Cum potestate dicto JACOBO MARCHIONI de HAMILTOUN, &c. dictum regnum nostrum adeundi, ibidemque præfatos tumultus in dicto regno nostro componendi, aliaque officia à nobis eidem committenda in dicti regni nostri bonum & commodum ibi præstandi, eoque Concilium nostrum quibus locis & temporibus ei visum fuerit convocandi, acrationem & ordinem in præmissis exequendis servandum declarandi & præscribendi; & quæcunque alia ad Commissionis hujus capita pro commissâ sibi fide exequenda, eandemque ad absolutum finem perducendam et prosequendam conferre possunt tam in Concilio quam extra Concilium, nostro nomine efficiendi & præstandi; idque similitèr & adeo liberè ac si nos in sacrosancta nostra persona ibidem adessemus. Præterea cum plena potestate dicto JACOBO MARCHIONI de HAMILTOUN, prout sibi videbitur nostro servitio & bono dicti regni nostri conducere, conventum omnium ordinum ejusdem regni nostri indicendi, ac publica comitia & conventus eorundem ordinum eorumve alterius vel utriusque quibus temporibus & locis sibi visum fuerit statuendi, & ibidem nostram sacratissimam personam cum omnibus honoribus & privilegiis supremo Commissionario nostri Parliamenti & publici conventus incumben similiter adeoqae amplè sicut quivis supremus Commissionarius quocunque tempore retroacto gavisus est gerendi: Necnon cum potestate præfato JACOBO MARCHIONI de HAMILTOUN Synodos nationales ecclesiæ dicti regni nostri tenendas temporibus & locis quibus sibi visum fuerit indicendi, & ibidem seipsum tanquam nostrum Commissionarium gerendi, omniaque eisdem tenendis inservientia secundum leges & praxin prædictæ ecclesiæ & regni nostri præstandi: Et