'Laddie,' she said, 'be ye waure o' judgin' the Almichty. What luiks to you a' wrang may be a' richt. But it's true eneuch 'at we dinna ken a'thing; an' he's no deid yet--I dinna believe 'at he is--and he'll maybe win in yet.' Here her voice failed her. And Robert had nothing to say now. He had said all his say before. 'Pray, Robert, pray for yer father, laddie,' she resumed; 'for we hae muckle rizzon to be anxious aboot 'im. Pray while there's life an' houp. Gie the Lord no rist. Pray till 'im day an' nicht, as I du, that he wad lead 'im to see the error o' his ways, an' turn to the Lord, wha's ready to pardon. Gin yer mother had lived, I wad hae had mair houp, I confess, for she was a braw leddy and a bonny, and that sweet-tongued! She cud hae wiled a maukin frae its lair wi' her bonnie Hielan' speech. I never likit to hear nane o' them speyk the Erse (Irish, that is, Gaelic), it was aye sae gloggie and baneless; and I cudna unnerstan' ae word o' 't. Nae mair cud yer father--hoot! yer gran'father, I mean--though his father cud speyk it weel. But to hear yer mother--mamma, as ye used to ca' her aye, efter the new fashion--to hear her speyk English, that was sweet to the ear; for the braid Scotch she kent as little o' as I do o' the Erse. It was hert's care aboot him that shortent her days. And a' that'll be laid upo' him. He'll hae 't a' to beir an' accoont for. Och hone! Och hone! Eh! Robert, my man, be a guid lad, an' serve the Lord wi' a' yer hert, an' sowl, an' stren'th, an' min'; for gin ye gang wrang, yer ain father 'll hae to beir naebody kens hoo muckle o' the wyte o' 't, for he's dune naething to bring ye up i' the way ye suld gang, an' haud ye oot o' the ill gait. For the sake o' yer puir father, haud ye to the richt road. It may spare him a pang or twa i' the ill place. Eh, gin the Lord wad only tak me, and lat him gang!' Involuntarily and unconsciously the mother's love was adopting the hope which she had denounced in her grandson. And Robert saw it, but he was never the man when I knew him to push a victory. He said nothing. Only a tear or two at the memory of the wayworn man, his recollection of whose visit I have already recorded, rolled down his cheeks. He was at such a distance from him!--such an impassable gulf yawned between them!--that was the grief! Not the gulf of death, nor the gulf that divides hell from heaven, but the gulf of abjuration by the good because of his evil ways. His grandmother, herself weeping fast and silently, with scarce altered countenance, took her neatly-folded handkerchief from her pocket, and wiped her grandson's fresh cheeks, then wiped her own withered face; and from that moment Robert knew that he loved her.