20. Kitzih ti xibin que [c]habin, quetzalo, hucumah [c]a xepax kumari, xetzalo chipe [c]hakap pahucu; ok xe paxin Ah Nonovalcat, Ah Xulpiti, xecha chi[c]a conohel ahlabal: Chinak ti ki[c]ovibeh chuvi palouh, at kacha[t], xecha. Xoh cha chi[c]a: chique hucu tiki[c]ovibeh mahatikil kalabal. Xavi[c]a pa qui hucu Ah Nonovalcat xohoc vi, ok xohbe relebal [t]ih, ha[c]aok xohoc apon. Kitzih tixibin chi tinamit, chi hay [c]ovi Ah Çuyva, chila relebal [c]ih, xoh ocnaek [c]a apon tzamhay, quere bila xbe kato[t]o, ok xohoc apon, kitzih ti xibin ok xpeul chucohol hay, kitzih tibirbot, xpalah poklah ok xpeul, xtzalo cochoch, xtzalo [c]a qui[c,]ij, ca[c], xtzalo conohel cavah, xahuye[t], xacayek xkaban ohxoh paxin ki [c]oh xbe chicah, [c]oh xkapan uleuh, [c]oh x xule xhote, chikichin konohel, haok xu[c]ut ru naval ru halebal. Ronohel ahlabal, huhunal, chi[c]a xeul chuvi huyu Tapcu Oloman, pam pokon chic xoh molokij, chiri xoh [c]u[c]umah viel, xoh vikon viel, yx ka[c]ahol, que cha ri [t]a[t]avitz, Çactecauh. Tok xka [c]utubeh [c]a ki, ba xa colovi avi, xoh cha chi re Qeche vinak: Xaqui tohoh quihilil xibe chicah, xa chicah xbe nucolo vivi, xcha, quere[c]a xubinaah vi Tohohil ri: xcha chi[c]a Ço[c,]il vinak, xaxi [c]ohe can chiri, xaxi colovi pa ru chij cakix, xcha; quere[c]a xubijnaah vi Cakix can ri. Xoh cha chi[c]a oh Cakchiquel vinak: xa ni[c]ah ta[t]ah xnucol vivi, xaxi kapon uleuh; quere[c]a xubinaah vi Chita[t]ah ri, [t]ucumatz tucheex hunchic, xa paya xucol viri. Xcha chi[c]a Tukuchee vinak, xaxi colovi ahcic chupam hun ama[t], xcha: quere[c]a xubinaah vi Ahcic ama[t]ri. Xcha chic Akahal vinak: xaxincol vi chumpam akah, xcha; quere[c]a xubinaah vi Akalahayri. Quere[c]a xebinaah vi conohel vi [c]iy chi; maqui xtivoqueçah xecolo vi quij; maqui naek xaka meztam, chirelebal [t]ih xbe oc vipe quibi conohel, [c]axto[c] [c]a xoh paxin vi ul ki, que cha ri [t]a[t]avitz, Çactecauh. Xoh cha[c]a oh ankatucu rupam ka huyubal, ka ta[t]abal: Mixbe ka tiha ka [c]ha ka pocob, vue bala [c]o chivi kalabal, oh [c]a kacanoh ka huyubal ka ta[t]ahal, xoh cha [c]a. Ok xoh paxin kij chuvi huyu, ok xoh pe [c]a konohel hutak [c]hob, chu bey xux, xa chi vi ha qui bey. Ok xetzolih chipe chuvi huyu Valval Xucxuc, xe y[c]o[c]ape chuvi huyu Memehuyu, Tacna huyu ru bi, xeul chic chuvi Çakiteuh, Çaki[c]uva, ru bi. Xeel chipe chuvi Meahauh Cutam chah, [c]a chila[c]a xebe tzolih chivipe chuvi huyu Çakihuyu Tepacuman ru bi; Tok xi[c]o qui [c,]eta qui huyubal, qui ta[t]ahal; okxe y[c]ope chuvi huyu To[t]ohil xçaker vi Qeche vinak. Xe i[c]o chipe Pantzic, Paraxon xoh çaker vi, yxka[c]ahol, que cha[c]a ri henabey katata kamama [t]a[t]avitz Çactecauh. Ha[c]ari huyu ta[t]ah xey[c]o vi xemeho vi, maqui xti[c]iz ka[t]ahartiçah xananoh xkabijh, maquina xakameztam, kitzih vichi [c]iya huyu xoh i[c]o vi, quecha ri oher katata kamama.