"'Sciatis nos dedisse et concessisse, et hâc mêa chartâ confirmasse civibus meis de Dublin, tam extra muros, quam infra muros manentibus, usque admetas villæ quod habeant metas suas sicut probatæ fuerant per sacramentum bonorum virorum de civitate istâ per præceptum regis Henrici, patris mei; scilicet, ex parte orientale de Dublin, et australi parte, pasturam quæ ducit usque ad portam ecclesiæ sancti Keivini, et sic per viam usque ad Kylmerckargan, et sic per divisam terræ de Donenobroogi usque ad Doder, et de Doder usque ad mare scilicet at Clarade juxta mare, et de Clarade usque ad Ramynelan. Et in occidentale parte de Dublin ab ecclesia S. Patricii per Wallam usque ad Farnan-Clenegimethe et deinde usque ad divisam terræ de Kylmainam et ultra aquam de Kylmainam juxta Aven-Liffey usque ad vada de Kilmastan et ultra aquam de Aven-Liffey versus boream per Cnocknogannoc et deinde usque ad horrea S. Trinitatis, et de horreis illis usque ad furcas, et sic per divisam inter Clonlic et Crynan usque ad Tolecan et deinde usque ad ecclesiam sanctæ Mariæ de Ostmanby. Hæc etiam eis concessi, salvis tenuris et terrâ omni eorum, qui terras et tenures habent, et chartam meam inde extra muros usque ad prædictas metas; et quod non possit civitas de terris illis, sicut de aliis disponere, sed faciant communes consuetudines civitatis, sicut alii cives. De illis autem dico hoc, qui chartam meam habuerunt de aliquibus terris infra easdem metas extra muros antequam civitati prædictas libertates, et hanc chartam concesserim.' TRANSLATION. "The Charter of JOHN, Lord of Ireland, concerning the bounds and franchises of the City of Dublin, and of the liberties granted thereto.