+Þe king ne mowcte don no more, But yerne preyede godes ore; And dede him hosle{n} wel and shriue, 212 [Sidenote: The king does penance.] I woth, fif hu{n}dred siþes and fiue; An ofte dede him sore swinge, And wit hondes smerte di{n}ge; So þat þe blod ran of his fleys, 216 Þat tendre was, and swiþe neys. [11]And sone gaf it euere-il del; He made his quiste swiþe wel. [Sidenote: He makes his will.] Wan it was goue{n}, ne micte me{n} finde 220 So mikel me{n} micte hi{m} in winde, Of his i{n} arke, ne in chiste, In engelond þat noma{n} wiste: For al was youe{n}, faire and wel, 224 Þat him was leued no catel. [Footnote 11: Some lines appear to be wanting here, such as-- “He þoucte his quiste þan to make, His catel muste he wel bitake,” &c.] [Headnote: KING ATHELWOLD DIES.] +Þa{n}ne he hauede be{n} ofte swngen, [Sidenote: [Fol. 205, col. 2.]] Ofte shriue{n}, and ofte dungen, “_In man{us} tuas_, lou[{er}]de,” he seyde, 228 Her þat he þe speche leyde. [Sidenote: The king dies.] To ihe{s}u crist bigan to calle, And deyede biforn his heyme{n} alle. Þan he was ded, þere micte me{n} se 232 Þe meste sorwe that micte be; Þer was sobbing, siking, and sor, Handes wri{n}gi{n}g, and drawi{n}g bi hor. [Sidenote: All mourn for him.] Alle greten swiþe sore, 236 Riche and poure þat þere wore; An mikel sorwe hauede{n} alle, Leuedyes i{n} boure, knictes i{n} halle. [Sidenote: Masses are sung for him.] +Quan þat sorwe was somdel laten, 240 And he hauede{n} longe graten, Belles dede{n} he sone ri{n}gen, Monkes and p{re}stes messe singen; And saut{er}es deden he manie reden, 244 Þat god self shulde his soule lede{n} Into heuene, biforn his sone, And þer wit-uten hende wone. [Sidenote: He is buried and the earl takes possession, till the maiden is twenty years old.] Þan he was to þe erþe brouth, 248 Þe riche erl ne foryat nouth, Þat he ne dede al engelond Sone sayse i{n}til his hond; And in þe castels leth he[12] do 252 Þe knictes he micte triste{n} to; And alle þe englis dede he swere[{n}], Þat he shulde{n} him ghod fey baren; He yaf alle me{n}, þat god þoucte, 256 Liuen and deyen til þat him moucte,[13] Til þat þe kinges dowter wore Tuenti wint{er} hold, and more. [Footnote 12: Sir F. Madden printed “lechhe”; but the MS. may be read “leth he.”] [Footnote 13: So in MS. But the sense requires “He gaf alle men, þat god _him_ þouchte, Liuen and deyen til þat _he_ mouete,” &c.]