[Sidenote: He lets his oath go for nothing.] +Hwan þis t{r}ayson was al þouth, 312 Of his oth ne was him nouth. He let his oth al ouer-ga, Þerof ne yaf he nouth a stra; But sone dede hire fete, 316 [Sidenote: [Fol. 205b, col. 2.]] Er he wolde hete{n} ani mete, Fro wi{n}chestre þer sho was, Also a wicke t{r}aytur iudas; [Sidenote: He sends the maiden to Dover.] And dede lede{n} hire to doure, 320 Þat standeth on þe seis oure; And þerhinne dede hire fede Pourelike in feble wede, [Sidenote: He shuts her up in the castle.] Þe castel dede he yemen so, 324 Þat non ne micte come{n} hire to Of hire frend, with [hire] to speke{n}, Þat heuere micte hire bale wreke{n}. +Of Goldeb{oru} shul we nou laten, 328 Þat nouth ne bli{n}neth forto g{ra}te{n}, Þet sho liggeth in p{ri}soun: [Sidenote: May Christ release Goldborough from prison!] Ihe{s}u c{r}ist, that lazarun To liue broucte fro dede bondes, 332 He lese hire wit hise hondes; And leue sho mo him y-se Heye ha{n}gen on galwe tre, Þat hire haued i{n} sorwe brouth, 336 So as sho ne misdede nouth! [Headnote: BIRKABEYN IS KING OF DENMARK.] +Sawe nou forth i{n} hure spelle; [Sidenote: At that time there was a king of Denmark, called Birkabeyn.] In þat time, so it bifelle, Was in þe lon of denemark 340 A riche king, and swyþe stark. Þ[e] name of him was birkabeyn, He hauede mani knict and sueyn; He was fayr man, and wicth, 344 Of bodi he was þe beste knicth Þat eu{er}e micte lede{n} uth here, Or stede onne ride, or ha{n}dlen spere, [Sidenote: He had three children.] Þre children he hauede bi his wif, 348 He hem louede so his lif. He hauede a sone [and] douhtres two, Swiþe fayre, as fel it so. He þat wile non forbere, 352 Riche ne poure; king ne kaysere, [Sidenote: Death came upon him.] Deth him tok þa{n} he bes[t] wolde Liuen, but hyse dayes were fulde; Þat he ne moucte no more liue, 356 For gol ne siluer, ne for no gyue. [Sidenote: He sends for the priests.] +Hwa{n} he þat wiste, raþe he sende After p{re}stes fer an hende, Chanounes gode, and mo{n}kes beþe,[15] 360 Him for to[16] wisse, and to Rede; [Sidenote: [Fol. 206, col. 1.]] Him for to hoslon, an forto shriue, Hwil his bodi were on liue. [Footnote 15: MS. “boþe.” But “beþe” rimes to “Rede”; see l. 694.] [Footnote 16: MS. fort{hm} to, the _hm_ being expuncted.]