4 Erthe gooth up-on erthe as moolde vp-on moolde, So gooth erthe vp-on erthe al gleteryng in goolde, 16 Like as erthe vn-to erthe neu{er}e goo[2] shulde; Yit shal erthe vnto erþe[3] rather{e} than he wolde. 5 O thou wrecchid erthe, that on the erthe [fol. 112, r^o] traueylist nyȝt and day, To florissh{e} the erthe, to peynte the erthe wyth wantone a-ray; 20 Ȝit shal thow erthe, for all{e} thyn erthe, make thow it neu{er} so queynt & gay, Out of the erthe in-to the erthe, ther to clynge as clot of clay. 6 O wrecchide man whi art thow p{r}ude, that art of erthe makid? Hidir broutyst thow no shroude, but por{e} cam thow & nakid. 24 Whan thi soule is went out, & thi body in erthe rakid, Tha{n}ne thi body that was rank and louyd of alle men, is hatyd. 7 Out of the erthe cam to this erthe his wantyng garneme{n}t; To hyde this erthe, to wrappe this erthe, to him was clothing lent; 28 Now gooth erthe up-on erthe, ruly raggid and rent, Therfor shal erthe vndir erthe haue hidous turme{n}t. 8 Whi that erthe louyth erthe wondir me thinke, Or whi that erthe for erthe swete wole or swinke; 32 Ffor whan that erthe up-on the erthe is brouȝt wyth-i{n}ne the brinke, Thanne shal erthe of the erthe haue a rewfull{e} stinke. [-->] 9 Lo erthe up-on erthe consider thow may, How erthe in-to the erthe comyth nakid al-way, 36 Whi shuld erthe vp-on erthe go stout [fol. 112, v^o] or gay, Wha{n} erthe shal passe out of erthe in a por{e} aray? 10 Wolde therfor{e} this erthe on this erthe, on this hertly thinke, How that erthe out of the erthe shal haue risynge, 40 And thus erthe for erthe[4] yeelde shal streyt rikenynge, Shulde neuer{e} erthe for erthe mysplese heuene kyng. 11 Thow erthe up-on erthe, that wickydly hast wrout, While that erthe is vp-on erthe, turne a-ȝen thi thout, 44 And preye to God vp-on erthe, that alle the erthe hath wrouȝt, That erthe vp-on erthe to blisse may be brouȝt. 12 Lord God that erthe madist & for the erthe suffredist peynys ille, Lete neu{er}e þis erþe[5] for this erthe myscheue ne spille, 48 But that this erthe in this erthe be eu{er}e worching thi wille, So that erthe fro this erthe stye up on thyn hyȝe hille. Amen. p{ar} charite, God it graunte that it so be. [-->] [6]Tange{re} qui gaudes m{er}etricem qualit{er} audes[7]. 52 Palmis pollutis regem tractar{e} salutis. (_The poem _Whi is the wor[l]d belouyd that fals is and veyn_, follows immediately._) [Footnote 1: _towris_ added in margin by the same hand.] [Footnote 2: MS. _goo ne_; _ne_ crossed out, and marked _ṇẹ_.]