8 Whi þat erþe to myche loueþ erþe wondir me þink, 32 Or whi þat erþe for sup{er}flue erþe to sore sweete wole or swynk; Ffor wha{n}ne þat erþe upo{n} erþe is brouȝt w{i}t{h}i{n}ne þe brink, Þan schal erþe of þe erþe haue a rewful swynk. 9 Lo erþe upon erþe considere þou may, 36 How erþe comeþ i{n}to erþe nakid al way, [fol. 38.] Whi schulde erþe upon erþe go now so stoute or gay, Wha{n}ne erþe schal passe out of erþe in so poore aray? 10 Wolde God þ{er}fore þis erþe, while þat he is upon this erþe, Vpon þis wolde he{r}tili þinke, 40 & how þe erþe out of þe erþe schal haue his aȝen-risynge, And þis erþe for þis erþe schal ȝeelde streite rekenyng; Schulde neu{er}e þan þis erþe for þis erþe mysplese heuene king. 11 Þerfore þou erþe upon erþe put so wickidli hast wrouȝt, 44 While þat þou erþe art upon erþe turne aȝen þi þouȝt, And praie to þat God upo{n} erþe þat al þe erþe haþ wrouȝt, Þat þou erþe upon erþe to blis may be brouȝt. 12 O þou Lord þat madist þis erþe for þis erþe & suffridist heere peynes ille, 48 Lete neu{er}e þis erþe for þis erþe myscheue ne spille, But þat þis erþe on þis [fol. 39] erþe be eu{er}e worchinge þi wille, So þ{a}t þis erþe from þis erþe may stie up to þin hiȝ hille. Amen. Memento homo quod cinis es, et i{n} cinere{m} reu{er}teris, 52 Ffac bene dum viuis. post mortem viu{er}e si uis. Tangere qui gaudet. meretricem qualiter audet. Palmis pollutis. regem tractare salutis. Credo in deum patrem omnipotentem. 56 (_Here follows the Creed in English verse._) 11. MS. LAUD MISC. 23. Before 1450. [fol. 111, v^o.] Whan lyf is moost louyd & deeþ is moost hatyd: Thanne deeth drawyth his draut and makith man ful nakid. 1 Erthe out of erthe is wo{n}dirly wrouȝt, Erthe of the erthe hath gete a dignyte of nowth{e}, 4 Erthe vp-on e{r}the hath set al his thouȝt How that erthe vp-on erthe may be hyȝ browth. 2 Erthe vp-on erthe wolde be a kyng; But how erthe shal to erthe thinkiþ he no thi{n}g; 8 Wha{n} that erthe biddeth erthe his rentys hoom bring, Thanne shal erthe out of the erthe haue a pet{ous} partyng. 3 Erthe vp-on erthe wynnyth castellis and towris[1], Tha{n}ne seith erthe to erthe: ‘This is al owris.’ 12 Whan erthe vp-on erthe hath biggid alle his bouris, Thanne shal erthe for erthe suffre sharp showris.