"Wae's my puir, deluded heart!" she said, in a desponding and tremulous voice; "what is it that drives me, like a charmed bird or a dementit thing, into the power o' this braw knight, in spite o' the warnings o' Elspet Craig, the admonition o' Adam Hunter, and, what's abune a', the fearsome visions o' my ain wild dreams? Can it be that I, wha hae seen, and may still see, sae mony bended knees o' lovers o' my ain country supplicating my favours as if their condition here and in anither warld depended on a blink o' these worthless een, sit here, even noo, at the Hunter's Rest, a mile frae my ain hame, and when naething but spirits are in the glen, to meet a lover frae a strange land, wha speaks a strange language, and mak's love in a strange fashion? But it is even sae. My heart is nae langer my ain. He has ta'en it into his ain keeping, and he may, in his ain pleasure, as easily break it as he may crush the bonny blue bells that flower there i' the glen." At the termination of Margaret's simple soliloquy, the sound of footsteps was heard, and there soon followed the greeting of lovers. Margaret's spirits soon revived, and, having taken Sir Willoughby's arm, she said, playfully, as she looked up into his face--"The faithless moon has been truer this nicht than ye hae been; for she left the tap o' the hill half an hour syne, and ye are only here noo." "Upbraid me not, my fair Margaret," answered Sir Willoughby; "for I was scared at the Friar's Path by some person who seemed inclined to follow me, and I was obliged to change my road; but thou knowest that love is fed by hindrances, and its course is none of the straightest." "I didna think," answered the simple maiden, "that true love stood in need o' onything else in this warld, than the company and kindness o' the twa lovers to ane anither." "By my feather, Margaret, that is a true maiden's speech! But I do not think that St Arthur, who must surely be the lover's saint, will thank us for an argument, instead of a love-token, on such a beautiful night as this. Observe these gleams of Cynthian glory, falling like streaks of silver on the tops of the crags, investing the darkness of this glen with a mystery in which love delights, and thou wilt forget thy argument, in the sweets of our accustomed dalliance." "That is a licht aith, Sir Willoughby, that ye hae sworn," answered the maiden; "but every land, as the sang says, has its ain laugh, and it may also hae its ain aith; and I may weel forgie ye that, for the bonny words ye hae now spoken. Foreign lands hae finer words than puir Scotland; but dinna think that I canna enjoy the beauty o' these silvery rocks and that mirky glen, because my silly heart can find nae utterance to its feelings, but by its ain unmeaning thrabs." "And that is nature's best and most beautiful language, my sweet bird," said Sir Willoughby, kissing the yielding maiden; "nor would I give one throb of thy fair bosom for all the eloquence of poetry."