A^{o}. vij. Hen. V.--"Also the kyng contynued his sege from seint Edwardes day unto the xiij day of Janeuary, at which day thei of the cite desired to trete: and the kyng comytted with hym for to trete, therles of Warwik and Salisburie, the lord Fitz Hugh, Sir Water Hungerford, Gilbert Humfrevile, John de Vasques de Almada, and Robesard, knyghts: and for the parte of Rone these followyng." [Then follows a copy of the agreement in six folio pages.] "And the forseid cite was yolden to oure sovereigne lord the kyng upon seint Wolstanes day: and after that the kyng gate many strong castells and townes." NOTE KK. page 108. A^{o}. viij. Hen. V.--"And the xx day of Maij the yere of oure lord m^{l} cccc xx^{ti} the kyng come to Troys in Champayne, where he was worthely receyved of al the lordes spiritual and temperal that were with the kyng of Fraunce. And upon the morue the kyng and quene of Fraunce, and dame Katerine his sustre, the duke of Burgoyne metten togiders in seint Petres chirche of Troys, in the body of the same chirch; and after went thei up to the high auter, and there tharticles of the peas redde, and the othes made on either partie: and than was the kyng and dame Katerine sured togiders. And upon the morue after Trinity Sonday, that was than the iij^{d} day of Juyn, the yere of our lord m iiij^{c} and xx, in the chirch of seint Petre of Troys the kyng weddid dame Katerine, kyng doughter of Fraunce, and was made regent of Fraunce. The convencions of which accord followen here after, that is to say." [Then follows the agreement, which extends to nearly eleven folios.] "And thanne after that the fest and solempnetie of the mariage was done, the kyng conquerid many townes and castells. Also the kyng leid his sege to Milon sur Seyne, duryng which sege the maire and shireves of London were chosen." NOTE LL. page 108. A^{o}. viij. Hen. V.--"And whanne the solempnite was done in the chirch, she was brought ful worthely into the greet halle. Of the sittyng of the astates at the coronacion of Quene Kateryne hereafter foloweth: that is to say; First Quene Kateryne sate in hire astate. The archebisshop of Caunterbury. The bisshop of Wynchestre. Thei saten upon the right side of the Quene, and served next the Quene, and covered at every course. The kyng of Scotland sate in his astate upon the lefte side of the Quene, which was served at every course, the ij bisshops aforseid. The duches of Yorke, the countes of Huntyngdon; they saten on the same side that the kyng of Scotlande sate. The duke of Gloucestre supervisour. Therle of March knelyng upon the deys on the right side of the Quene, held a sceptre upright of the Quenes. Therle Marchall knelyng on the same deys upon the left side of the Quene, held another sceptre of the Quenes upright. The countes of Kent was sittyng at the right fote of the Quene undre the table. The countes Marchall sate at the lefte fote of the Quene undre the table.