Seignurs e dames estutez De un fort tretur orrez Ke aveit pur veu une treson Thomas Turbelvile ot a non A Charlys aveit p'mis E jure par seint Denys Ke il li freit tute Englet'e Par quentise e treson conquere E Charles li premist grant don Teres e bon garison Li treitre a Charlis dit Ke il aparillast sanz respit De bone nefs grande navie E de gent forte co'paignie E il le freit par tens garner Ou il dussent ariver En Engleter sodeinement Li traiture sanz targement en Englet'e tot se mit Au rei sire Edewars vint e dist Ke si apres li vodera fere Tutes ses choses deust co'quer Ki sire Charlis li aveit A force e a tort tollet Issi ke' li losengur de ambe part fu t'tur Sire Edeward nentendi mie Del treitre sa tricherie Ke il aveit issi purveu A grant honur le ad receu E en sa curt fut grant mestre Q'nt ot espie tut son estre E le conseil de Engleter Li treitre feseit un bref fere A sire Charlis priveme't On ariver devisse't sa gent En Engletere e li pais prendre A sire Edeward fu fet entendre Cum den le ont destine E le bref ly fut mustre E tout ensemble la treson Li rei fit prendir cel felon Thomas le treitur deva't dit Ke fist fere cel estrit A Lundres par mie la citee Treigner le fist en une coree De une tor envolupe Nul autreme't ne fut arme Haume nont ne habergun Cillante pierres a g'nt fusui' Aveit il entur son flanc Ke li raerent le sanc Apres fu li traiture pendu E le alme a la Belzebub rendu Je aveit autre gareson Issi deit len servir felon En furches peut li malurez Des chenes e de fer liez Nul home nel deit enterrer Tant cu' son cors porra durer Iloec pendra cel trichur Ten garison ad pur son labour Ore puira Charles pur ver Apres li longem't garder Einz kil venge pur sa treison Demander de li garison Sire Edeward pur la g'nt navye De France ne dona une aylle De vaillante gent fist la mer De tut part mut ben garder De Engleter sunt failliz Ly Franceys e sunt honiz En la mer grant tens flote'nt Li cors plusurs de eus tuere't A Dovere firent sodoineme't Une assaut e de lur gent Plus de v sent y perdirent Unkes plus de prou ne firent Ore sunt tuz ieo quide neez Ou en lur teris retornez E penduz pur lur servise Ke Engleter naveyent prise E ceo Charles lour p'mist Si nul de ens revenist Sire Charles bon chevaler Lessez ester ton guerrer Acordez a ton cosin E pur pensez de la fin Si Engleter guerirez James ben nes pleyterez Je ne firent voz ancestres Ke se tindrent si grant mestres Ly ducs Lowys ton parent E stace le moyne enseme't E autres Franceys assez Ke ne sunt pas ici nomez Damne deu omnipotent Vo' doynt bon acordement avié. * * * * *