respective, sicque tucior de cetero patebit transitus nostris fidelibus supra mare, et alia bona plurima sunt ex hoc nobis et nostris fidelibus verisimiliter proventura, de quo spes pulcherima jam arridet. Nos autem, tantam coelestem graciam devotissime contemplantes, ipsi Salvatori nostro laudes et gracias humiliter exsolvimus, deprecantes, ut, qui jam et semper in oportunitatibus copiosis graciis[138] nos prævenit continuatis, nos auxiliis prosequatur, et nobis regere temporaliter sic concedat in terris, ut in eo lætemur æternaliter in excelsis. Dileccionem vestram attente rogamus et per Dei misericordiam obsecramus, quatinus soli Deo vivo, qui tantum signum nobiscum fecit in bonum, in devotæ laudis præconium assurgentes, nos, jam in remotis agentes, et nedum jura nostra recuperare, sed sanctam ecclesiam catholicam attollere, et in justicia populum regere cupientes, sibi devotis oracionum instanciis recomendare curetis, facientes pro nobis missas, et alia piæ placacionis officia misericorditer exerceri, et ad hoc clerum et populum vestræ diocesis salutaribus monitis inducatis, ut Deus ipse, miseratus nobis, progressum felicem et exitum annuat graciosum, detque servo suo cor docile, ut recte judicare possimus et regere et sic facere quod præcipit, ut mereamur assequi quod promittit. Teste Edwardo duce Cornubiæ et Comite Cestriæ filio nostro carissimo Custode Angliæ apud Waltham Sanctæ Crucis xxviii^{vo}. die Junii, anno Regni nostri Angliæ xiiii^{to}. Regni vero Franciæ primo." [Footnote 136: _Sic._] [Footnote 137: _Sic._] [Footnote 138: _Sic._]