It is not very easy to illustrate the manner of the ancient French drama by citations within ordinary compass; but the following passages, the first from the Mystery of the _Passion_, the second from the original form of _Pathelin_, may serve the purpose:-- _Ici deschargent Jesus de la croix._ _Simon._ or avant donc, puis que ainsi va. je ferai vostre voulente; mais il me poise en verite de la honte que vous me faictes. o Jesus, de tous les prophettes le plus sainct et le plus begnin, vous venes a piteuse fin, veue vostre vie vertueeuse quant vostre croix dure et honteuse pour vostre mort fault que je porte. se c'est a tort, je m'en rapporte a ceulx qui vous ont forjuge. _Ici charge la croix a Simon._ _Nembroth._ Messeigneurs, il est bien charge; cheminons, depeschons la voie. _Salmanazar._ j'ai grant desir que je le voie fiche en ce hault tabernacle, a scavoir s'il fera miracle, quant il sera cloue dessus. _Jeroboam._ seigneurs, hastes moi ce Jesus et ces deux larrons aux coustes. s'ilz ne vuellent, si les battez si bien qu'il n'y ait que redire. _Claquedent._ a cela ne tiendra pas, sire. nos en ferons nostre povoir. _Ici porte Simon une partie de la croix et Jesus l'autre et le battent les sergens._ _Dieu le pere._ Pitie doit tout cueur esmouvoir en lamenter piteusement le martyre et le gref tourment que Jesus, mon chier filz, endure. il porte detresse tant dure, que, puis que le monde dura, homme si dure n'endura, laquelle ne peult plus durer sans la mort honteuse endurer, et n'aura son sainct corps duree tant qu'il ait la mort enduree, il appert, car plus va durant, et plus est tourment endurant, sans quelque confort qui l'alege. si convient que la mort abrege et de l'executer s'apreste, pour satiffaire a la requeste de dame Justice severe, qui pour requeste ne priere ne veult rien de ses drois quitter. Michel, alles donc conforter en ceste amere passion mon filz, plain de dilection, qui veult dure mort en gre predre et va sa doulce chair estrandre ou puissant arbre de la croix. _Sainct Michel._ pere du ciel et roi des rois, humblement a chere assimplie sera parfaicte et acomplie vostre voulente juste et bonne. _Ici descendent les anges de paradis._ * * * * * _Path._ ce bergier ne peut nullement respondre aux fais que l'on propose, s'il n'a du conseil; et il n'ose ou il ne scet en demander. s'il vous plaisoit moy commander que je fusse a luy, je y seroye.