[54] It is also worth while to read the following details from Bourgueville, (_Antiquités de Caen_, p. 33) whose testimony, as that of an eye-witness to much of what he relates, is valuable:--"Ils ont le Privilege Saint Romain en la ville de Rouen et Eglise Cathédrale du lieu, au iour de l'Ascension nostre Seigneur de deliurer un prisonnier, qui leur fut concedé par le Roy d'Agobert en memoire d'un miracle que Dieu fist par saint Romain Archeuesque du lieu, d'auoir deliuré les habitans d'un Dragon qui leur nuisoit en la forest de Rouuray pres ladite ville: pour lequel vaincre il demanda à la justice deux prisonniers dignes de mort, l'un meurtrier et l'autre larron: le larron eut si grand frayeur qu'il s'enfuit, et le meurtrier demeura auecque ce saint homme qui vainquit ce Serpent. C'est pourquoy l'on dit encore en commun prouerbe, il est asseuré comme vn meurtrier. Ce privilege de deliurance ne doit estre accordé aux larrons.--Saint Ouen successeur de S. Romain, Chancelier dudit Roy d'Agobert viron l'an 655, impetra ce priuilege: dont ie n'en deduiray en plus oultre les causes, pour ce qu'elles sont assez communes et notoires, et feray seulement cest aduertissement, qu'il y a danger que messieurs les Ecclesiastiques le perdent, acause qu il s'y commet le plus souuent des abus, par ce qu'il se doit donner en cas pitoyable et non par authorité ou faueurs de seigneurs, comme aussi ne se doit estendre, sinon à ceux qui sont trouuez actuellement prisonniers sans fraude, et non à ceux qui s'y rendent le soir precedent comme estans asseurez d'obtenir ce priuilege, combien qu'ils ayent commis tous crimes execrables et indignes d'un tel pardon, voire et que les Ecclesiastiques n'ayent eu loisir d'avoir veu et bien examinez leur procez. Aussi ce beau priuilege est enfraint en ce que ceux qui l'obtiennent doiuent assister par sept annees suiuantes aux processions au tour de la Fierte S. Romain, portant vne torche ardante selon qu'il leur est chargé faire. Ce qui est de ceste heure trop contemné: et tel mespris leur pourroit estre reproché comme indignes et contempteurs d'vn tel pardon. Vn surnommé Saugrence pour auoir abusé d'un tel priuilege fut quelque temps apres retrudé et puni de la peine de la rouë pour auoir confesse des meurtres en agression pour sauuer aucuns nobles ou nocibles qui les auoient commis.--Il s'est faict autres fois et encore du temps de ma ieunesse de grands festins, danses, mommeries ou mascarades audit iour de l'Ascension, tant par les feturiers de ceste confrairie saint Romain que autres ieunes hommes auec excessiues despences: et s'appelloit lors tel iour Rouuoysons, à cause que les processions rouent de lieu en autre, et disoit l'on comme en prouerbe, quand aucuns desbauchez declinoient de biens qu'ils auoient fait Rouuoysons, à sçauoir perdu leurs biens en trop uoluptueuses despenses et mommeries sur chariots, qui se faisoient de nuict par les ruës quelque saison d'Esté qu'il fust, pour plus grandes magnificences."