The carpenter took to his scheme at once. Alec was a fair hand at all sorts of tool-work; and being on the friendliest terms with Macwha, it was soon arranged that the keel should be laid in the end of the workshop, and that, under George's directions, and what help Willie chose to render, Alec should build his boat himself. Just as they concluded these preliminaries, in came Willie, wiping some traces of blood from his nose. He made a pantomimic gesture of vengeance at Alec. "What hae ye been efter noo, laddie?" asked his father. "Alec's jist gien me a bluidy nose," said Willie. "Hoo cam' that aboot? Ye weel deserved it, I hae nae doobt. Jist gie him anither whan he wants it, Alec." "What do ye mean, Curly?" asked Alec in amazement. "Yon divot 'at ye flang aff o' Luckie Lapp's riggin'," said Curly, "cam' richt o' the back o' my heid, as I lay o' the brae, and dang the blude oot at my niz. That's a'.--Ye'll preten' ye didna see me, nae doobt." "I say, Curly," said Alec, putting his arm round his shoulders, and leading him aside, "we maun hae nae mair o' this kin' o' wark. It's a dam't shame! Do ye see nae differ atween chokin' an ill-faured tyke an' chokin' a puir widow's lum?" "'Twas only for fun." "It's ill fun that baith sides canna lauch at, Curly." "Rob Bruce wasna lauchin' whan he brocht the bick to the schuil, nor yet whan he gaed hame again." "That was nae fun, Curly. That was doonricht earnest." "Weel, weel, Alec; say nae mair aboot it." "No more I will. But gin I was you, Curly, I wad tak Lucky a seck o' spales the morn." "I'll tak them the nicht, Alec.--Father, hae ye an auld seck ony gait?" "There's ane up i' the laft. What want ye wi' a seck?" But Curly was in the loft almost before the question had left his father's lips. He was down again in a moment, and on his knees filling the sack with shavings and all the chips he could find. "Gie's a han' up wi't, Alec," he said. And in a moment more Curly was off to Widow Lapp with his bag of firing. "He's a fine chield that Willie o' yours, George," said Alec to the father. "He only wants to hae a thing weel pitten afore him, an' he jist acts upo' 't direckly. "It's weel he maks a cronie o' you, Alec. There's a heap o' mischeef in him. Whaur's he aff wi thae spells?" Alec told the story, much to the satisfaction of George, who could appreciate the repentance of his son; although he was "nane o' the unco guid" himself. From that day he thought more of his son, and of Alec as well. "Noo, Curly," said Alec, as soon as he re-appeared with the empty sack, "yer father's gaein to lat me big a boat, an' ye maun help me." "What's the use o' a boat i' this weather?" said Curly. "Ye gomeril!" returned his father; ye never luik an inch afore the pint o' yer ain neb. Ye wadna think o' a boat afore the spring; an' haith! the summer wad be ower, an' the water frozen again, afore ye had it biggit. Luik at Alec there. He's worth ten o' you.