Mit dem die fraw widerumb wend Ins dorff; so ging die gaiss ir strass. Der Herr zu Petro sagen was[13]: Petre, hast das gebett der armen 75 Gehört? du must dich ir erbarmen. Weil du den tag bist herrgott du, So stehet dir auch billig zu, Das du die gaiss nembst in dein hut, Wie sie von hertzen bitten thut, 80 Und behüt sie den ganzen tag, Das sie sich nit verirr im hag,[14] Nit fall noch müg gestolen wern, Noch sie zerreissen wolff noch bern, Das auff den abend widerumb 85 Die gaiss unbeschedigt haym kumb Der armen frawen in ir hauss! Geh hin und richt die sach wol auss! Petrus namb nach des herren wort Die gaiss in sein hut an dem ort 90 Und trieb sie an die waid hindan. Sich fing sanct Peters unrhu an. Die gaiss war mutig, jung und frech, Und bliebe gar nit in der nech,[15] Loff auff der wayde hin und wider, 95 Stieg ein berg auff, den andern nieder Und schloff[16] hin und her durch die stauden. Petrus mit echtzen,[17] blassn und schnauden Must immer nachdrollen[18] der gaiss, Und sehin die sunn gar uberhaiss. 100 Der schwaiss über sein leib abran. Mit unruh verzert der alte man Den tag biss auff den abend spat, Machtloss, hellig,[19] gantz müd und mat Die gaiss widerumb haym hin bracht. 105 Der Herr sach Petrum an und lacht. Sprach: Petre, wilt mein regiment Noch lenger bhalten in deiner hend? Petrus sprach: Lieber herre, nein, Nemb wider hin den stabe dein 110 Und dein gwalt! ich beger mit nichten Fort hin dein ampt mehr ausszurichten. Ich merck, das mein weissheit kaum döcht,[20] Das ich ein gaiss regieren möcht Mit grosser angst, müh und arbeyt. 115 O Herr, vergieb mir mein thorheit! Ich will fort der regierung dein, Weil ich leb, nit mehr reden ein. Der Herr sprach: Petre, das selb thu! So lebst du fort mit stiller rhu. 120 Und vertraw mir in meine hend Das allmechtige regiment! [Notes: 1: _Recht_, ‘lawsuit.’ 2: _Verschlind_ = _verschlingt_. 3: _Des_, for _dem (allen)_. 4: _Samb_ = _als ob_. 5: _Glat_ = _gar_. 6: _Als ... undterstan_ = _alles Übel unterdrücken_. 7: _Int_ = _in die_. 8: _Erdterich_ = _Erdreich_. 9: _Baser, bass_ = _besser_. 10: _Daucht sich_ (with gen.), ‘was proud of,’ ‘elated over.’ 11: _Arbeyten_ = _erarbeiten_, ‘earn.’ 12: _Heint_ = _heute nacht_. 13: _Sagen was_ = _sagend was_, ‘was saying’, ‘said.’ 14: _Hag_ = _Busch, Gehölz_. 15: _Nech_ = _Nähe_. 16: _Schloff_, ‘strayed’ (from _schliefen_ = _schlüpfen_). 17: _Echtzen_ = _ächzen_. 18: _Nachdrollen_ = _nachtrollen_. 19: _Hellig_ = _müde_. 20: _Döcht_ = _taugt_.] +2+ +Das heiss Eysen: Ein Fassnachtspil[21] mit 3 Person.+ Die FRAW tritt einn vnd spricht: