And when she came over against Paul's School, a child appointed by the Schoolmaster thereof, pronounced a certain Oration in Latin, and certain Verses: which also were there written, as follows. _Philosophus ille divinus PLATO, inter multa præclare ac sapienter dicta, hoc posteris proditum reliquit, Rempublicam illam felicissimam fore, cui Princeps sophiæ studiosa, virtutibusque ornata contigerit. Quem si vere dixisse censeamus (ut quidem verissime) cur non terra Britannica plauderet? cur non populus gaudiam atque lætitiam agitaret? immo, cur non hunc diem albo (quod aiunt) lapillo notaret? quo Princeps talis nobis adest, qualem priores non viderunt, qualemque posteritas haud facile cernere poterit, dotibus quum animi, tum corporis undique felicissima. Casti quidem corporis dotes ita apertæ sunt, ut oratione non egeant. Animi vero tot tantæque, ut ne verbis quidem exprimi possint. Hæc nempe Regibus summis orta, morum atque animi nobilitate genus exuperat. Hujus pectus CHRISTI religionis amore flagrat. Hæc gentem Britannicum virtutibus illustrabit, clipeoque justitiæ teget. Hæc literis Græcis et Latinis eximia, ingenioque præpollens est. Hac imperante, pietas vigebit, Anglia florebit, Aurea Secula redibunt. Vos igitur Angli, tot commoda accepturi, ELIZABETHAM Reginam nostram celeberrimam ab ipso CHRISTO hujus regni imperio destinatam, honore debito prosequimini. Hujus imperiis animo libentissimo subditi estote, vosque tali principe dignos præbete. Et quoniam, pueri non viribus sed precibus officium prestare possunt, nos Alumni hujus Scholæ ab ipso COLETO, olim Templi Paulini Decano, extructæ, teneras palmas ad coelum tendentes CHRISTUM Opt. Maxi. precaturi sumus, ut tuum celsitudinem annos NESTOREOS summo cum_ _honore Anglis imperitare faciat, matremque pignoribus charis_ _beatam reddat. Amen_. _Anglia nunc tandem plaudas, lætare, re sulta,_ _Presto jam vita est, præsidiumque tibi._ _En tua spes venit tua gloria, lux, decus omne_ _Venit jam solidam quæ tibi prestat opem._ _Succurretque tuis rebus quæ pessum abiere._ _Perdita quæ fuerant hæc reparare volet_ _Omnia florebunt, redeunt nunc aurea secla._ _In melius surgent quæ cecidere bona._ _Debes ergo illi totam te reddere fidam,_ _Cujus in accessu commoda tot capies._ _Salve igitur dicas, imo de pectore summo._ _ELIZABETH Regni non dubitanda salus,_ _Virgo venit, veniatque optes comitata deinceps._ _Pignoribus charis, loeta parens veniat._ _Hoc DEUS omnipotens ex alto donet Olympo,_ _Qui cælum et terram condidit atque regit_. Which the Queen's Majesty most attentively hearkened unto. And when the child had pronounced, he did kiss the Oration, which he had there fair written on paper, and delivered it unto the Queen's Majesty, which most gently received the same. * * * * *