"E sil avent qe nul Conte ou Baron ou autre Chivaler voyse encontre le estatut p̴ le assent e le comaundēmt nostre Seign^r Sire Edward, fiz le Rey, e Sire Eumond frere le Rey, e Sire Willeme de Valence, e Sire Gil͂bt de Clare, e le Cunte de Nichole[439], qe celi Chivaler, qe issint s'ra trove en forfetaunt en nul poynt encontre le estatut, seyt encurru cele peyne: qe il perde chival e armes, e demeorge en prison a la volunte de avaūtdiz Sire Edward, Sire Eumond, e le autres. E qe le Esquier qe serra trove fesaunt encontre le estatut, qe issi est devise, en acun poynt, perde chival e herneys[440] e seyt iij. aunz en la prison. E qe nul sake[441] Chivaler a terre, fors ceus qe serrunt armez pur lur Seign^r servir, qe le Chivaler pusse recovrir son chival, e cely seit en la forfeture des Esquiers avaunt diz. "E qe nul fiz de graunt Seignur, ceo est asaver, de Conte ou de Baron, ne seit arme fors de mustilers, e de quisers, e de espaulers, e de bacynet, saunz plus, e qe nul aporte cutel a poynte, ne espeye, ne mace, fors espee large. E si nul seit trove qe, en ascun de ceos poynz, alast encontre le estatut, qe il perde son chival le quel il serra munte a la jornee, e seit en la prison un an. "E qe ceus qe vendrunt pur veer le turnēmt ne seent armez de nule manere de armure, ne qe il ne portent ne espee, ne cutel, ne bastun, ne mace, ne perre, sur la forfeture des Esquiers avauntdiz. E qe nul garson, ne hōme a pee ne porte espee, ne cutel, ne baston, ne perrer: e si il seent trovez enforfetaunt, qe il seyent emprisonez vij. aunz. "E si acun graunt Seign^r ou autre teygne mangerie, qe nul esquier ne ameyne eynz fors ceus qe trencherunt devaunt lur Seignurs. "E qe nul Roy de Haraunz ne Menestrals[442] portent privez armez, ne autres forz lur espees saunz poynte. E qe le Reys des Harraunz eyent lur huces des armes saunz plus." &c. This document affords us some curious glimpses at the customs of the time; not less by what it forbids than by what it ordains. A tournament in which the combatants are liable to be pelted by the stones and slings of the varlets and other lookers-on, does not give us a very exalted idea of these festivals; and, for a holiday game, the rules seem oddly severe which decree that the poor squire who infringes them shall lose horse and armour, and "demeorge iij. aunz en la prison."