"Quodque dicta libraria, hostiis ipsius per praefatos capellanos custodes ejusdem, et eorum successores, aut alterum ipsorum, apertis singulis diebus profestis annuatim a festo Nativ. beat. Mar. Virg. usque festum Annunciacionis ejusdem, ob ortu solis, donec hora nona post altam missam de servicio diei in dicta ecclesia cathedrali finiatur: et iterum ab hora prima post meridiem usque ad finem completorii in eadem ecclesia cathedrali, vel saltem usque ad occasum solis per eosdem, seu eorum alterum, sic continue diligenter custodiatur. Et eciam singulis diebus profestis annuatim, ab eodem festo Annunciacionis beatae Mariae Virginis usque ad praedictum festum nativitatis ejusdem, ab hora diei sexta, donec hora nona post altam missam in dicta ecclesia cathedrali, et iterum ab hora prima post meridiem quosque completorium in eadem ecclesia cathedrali finiatur, per praefatos capellanos, seu eorum alterum et successores suos custodes dictae librariae debite et diligenter aperta, custodiatur, nisi causa racionabilis hoc fieri impediat. Ita quod nullum dampnum eidem librariae aut in libris, aut in hostiis, seruris vel fenestris vitreis ejusdem, ex negligencia dictorum capellanorum aut successorum suorum custodum dictae librariae evenire contingat. Et si quid dampnum hujusmodi in praemissis, seu aliquo praemissorum, per negligenciam ipsorum capellanorum, seu eorum alterius, aut successorum suorum quoque modo imposterum evenerit, id vel ipsa dampnum aut dampna recompensare, emendare et satisfacere, tociens quociens contigerit, de salariis seu stipendiis suis propriis, auctoritate et judicio dictorum Decani et Capituli, debeant et teneantur, ut est justum. Ceteris vero diebus, noctibus et temporibus hostia praedicta, cum eorum seruris et clavibus, omnino sint clausa et secure serata." _Id._: p. 193.]