“Quo libentius ab orbe Catholico indicti a Nobis Jubilæi beneficium fuit exceptum, Venerabilis Frater, eo uberiorem inde fructum expectandum esse confidimus, divina favente clementia. Grati propterea sensus animi, quos hac de causa prodis, iucunde excipimus, Deoque exhibemus, ut emolumentum lætitiæ a te conceptæ respondens diœcesibus tuis concedere velit. Acceptissimam autem habemus eruditam epistolam a te concinnatam de mixta latinæ linguæ institutione. Scitissime namque ab ipsa vindicatur decus christianæ latinitatis, quam multi corruptionis insimularunt veteris sermonis; dum patet, linguam, utpote mentis, morum, usuum publicorum enunciationem, necessario novam induere debuisse formam post invectam a Christo legem, quæ sicuti consortium humanum extulerat et retinxerat ad spiritualia, sic indigebat nova eloquii indole ab eo discreta, quod societatis carnalis, fluxis tantum addictæ rebus, ingenium diu retulerat. Cui quidem observationi sponte suffragata sunt recensita a te solerter monumenta singulorum Ecclesiæ sæculorum; quæ dum exordia novæ formæ subjecerunt oculis, ejusque progressum et præstantiam, simul docuerunt constanter in more fuisse positum Ecclesiæ, juventutem latina erudire lingua per mixtam sacrorum et classicorum auctorum lectionem. Quæ sane lucubratio tua cum diremptam iam disceptationem clariore luce perfuderit, efficacius etiam suadebit institutoribus adolescentiæ, utrorumque scriptorum opera in eius usum esse adhibenda. Hunc Nos labori tuo successum ominamur; et interim divini favoris auspicem et præcipuæ nostræ benevolentiæ testem tibi, Venerabilis Frater, universoque Clero et populo tuo Benedictionem Apostolicam peramanter impertimus. “Datum Romæ apud S. Petrum die 1 Aprilis anno 1875, Pontificatus Nostri anno Vigesimonono. “PIUS PP. IX.” This very letter is an instance of the results to which a thorough and judicious mixed Latin classical education will lead the student of Latinity――the resources of the pagan Latin made classically available even to him who is secretary to the Pope _ab epistolis Latinis_, to which post are appointed those who, with other proper qualifications, are good Latin scholars. Some of these letters, especially those issued under the pontificates of Benedict XIV. and Pius VI. and VII., are truly Ciceronian in style and language. We call the closest attention of such of our readers as are not acquainted with Latin to the following translation of the above most important document: “To the REV. FATHER BARTHOLOMEW D’AVANZO, Bishop of Calvi and Teano. “PIUS IX., Pope.