60. Why name ye more the patron of youre order in youre _Confiteor_, whan ye beginne masse, than other saintes, as apostels, or marters, that holy churche holde[th] more glorious than hem, and clepe hem youre patrons and youre avowries? 355 61. Frere, whet[h]er was saint Fraunces, in making of his rule that he sette thyne order in, a fole and lyar, or els wyse and trew? If ye sayn that he was not a fole but wyse; ne a lyar, but trew; why shewe ye the contrary by youre doing, whan by youre suggestion to the pope ye said that Fraunces rule was mad so hard that ye might 360 not live to holde it without declaracion and dispensacion of the pope? And so, by youre dede, ye lete your patron a fole, that made a rule so hard that no man may wel kepe [it]; and eke youre dede proveth him a lyar, where he sayeth in his rule, that he took and lerned it of the holy gooste. For how might ye, for shame, 365 praye the pope to undo that the holy goost biddeth, as whan ye prayed him to dispense with the hardnesse of your order? 62. Frere, which of the foure orders of freres is best, to a man that knoweth not which is the beste, but wolde fain enter into the beste and none other? If thou sayest that thyn is the best, than 370 sayest thou that noon of the other is as good as thyn; and in this eche frere in the three other orders wolle say that thou lyest; for in the selve maner eche other frere woll say that his order is beste. And thus to eche of the foure orders ben the other three contrary in this poynte; in the which if ony say sooth, that is oon 375 aloon; for there may but oon be the beste of foure. So foloweth it, that if ech of these orders answered to this question as thou doest, three were false and but oon trew; and yet no man shulde wite who that were. And thus it semeth, that the moost part of freres ben or shulde be lyars in this poynt, and they shulde 380 answere therto. If +ye say that an-other ordre of the freres is better than thyn or as good; why toke ye not rather therto as to the better, whan thou mightest have chosen at the beginning? And eke, why shuldest thou be an apostata, to leve thyn order and take thee to that that is better? And so, why goest thou not 385 from thyn order into that?