THOMAS Dei gratiâ episcopus Dunelmensis omnibus ad quos præsentes litteræ peruenerint salutem. Sciatis quòd assignauimus & deputauimus dilectos & fideles nostros Radulphum de Ewrie cheualier senescallum nostrū Dunelmiæ, Williamum Chanceler cancellarium, infra comitatum & libertatem Dunelmiæ, ac Williamum Claxton vicecomitem nostrum Dunelmiæ coniunctim & diuisim, ad plenam & pacificam seisinam, de duabus partibus medietatis cuiusdam pontis vocati Tinebridge, in villa nostra de Gatesheued, infra comitatum & libertatem Dunelmiæ existentis. Quæ quidem duæ partes medietatis prædictæ, continent & faciuut tertiam partem eiusdem pontis vsque austrum, in prædicta villa de Gatesheued. Super quas duas partes nuper maior & communitas villæ Noui castri super Tinam, quandam turrim de nouo ædificare cæperūt, & quas quidem duas partes cum franchesiis, iurisdictionibus, & iuribus regalibus super easdem duas partes medietatis prædictæ, nuper in curia domini regis versus maiorem & communitatem dictæ villæ Noui castri recuperauimus nobis & successoribus nostris episcopis Dunelmiæ, & in iure ecclesiæ nostræ sancti Cuthberti Dunelmiæ possidendas de vicecomite Westmerlandiæ, prætextu eiusdē breuis dicti domini regis sibi directi nomine nostro recipiendas; & turrim prædictā ad opus nostrum saluò & securè custodiēdam. Ratum & gratum habiturus quicquid idē Radulphus, Williamus & Willielmus nomine nostro fecerint in præmissis. In cuius rei testimonium has litteras nostras fierifecimus patentes. Datum Dunelmiæ per manus Williami Cancellarii nostri 26 Octobris, anno pontificatus nostri vndecimo.