Rex dilectis & fidelibus suis, Radulfo filio Wilhelmi, & Iohanni de Barton de Riton salutem. Quia quàm plures malefactores, & pacis nostræ perturbatores, homicidia, deprædationes, incendia, & alia damna quàm plurima nocte diéq; perpetrantes, vagantur in boscis, parcis, & alijs locis diuersis, tam infra libertates quàm extra, in comitatu Eoracensi, & ibidem receptantur in maximum periculum tam hominum per partes illas transeuntium, quàm ibidem commorantium, in nostri contemptum, ac pacis nostræ læsionem manifestam, vt accepimus: per quorum incursum poterunt peiora peioribus de facili euenire, nisi remedium super hoc citiùs apponatur, nos eorum malitiæ in hac parte obuiare, & huiusmodi damnis & periculis præcauere volentes, assignamus vos ad inquirendum per sacramentum tam militum quàm aliorum proborum & legalium hominum, de contemptu prædicto, tam infra libertates quàm extra, per quos ipsa veritas meliùs sciri poterit, qui sint illi malefactores & pacis nostræ perturbatores, & eos conduxerunt & conducunt ad verberandum, vulnerandum, malè tractand[=u], & interficiendum, plures de regno nostro in ferijs, mercarijs, & alijs locis in dicto comitatu, pro inimicitia, inuidia, aut malitia. Et etiam pro eò quòd in assisis iuratis, recognitionibus, & inquisitionibus factis de felonijs positi fuerant, & veritatem dixerunt: vnde per conditionem huiusmodi malefactorum, iuratores assisarum, iurationum, recognitionum, & inquisitionum illarum, pro timore dictorum malefactorum, & eorum minarum, sæpiùs veritatem dicere, seu dictos malefactores indictare minimè ausi fuerunt, & sunt. Et ad inquirendum de illis qui huiusmodi munera dederunt, & dant, & quantum, & quibus, & qui huiusmodi munera receperunt, & à quibus & qualiter, & quo modo, & qui huiusmodi malefactores fouent, nutriunt, & manutenent in comitatu prædicto, & ad ipsos malefactores tam per vos, quàm per vicecomitem nostrum comitatus prædicti arrestandos, & prisonæ nostræ liberandos, & saluò & securè in eadem per vicecomitem comitatus prædicti custodiendos, ita quòd ab eadem prisona nullo modo deliberentur, sine mandato nostro speciali.