‘_God sendé also, to thi moost availe, The to preserué from all heuynesse, A spirit of strenghthé, and of good counsaile, Of cunnyng, drede, pite, and of lownesse._’ Thus thise ladies ’gan there gyftés dresse, Graciously at there out comyng, By influence light vp on the kyng. These Emperesses hadde on there left syde Othere vij Virgines pure and clene; By accordaunce continually to a byde, (_shining stars_) Al clad in white samete, (_satin_) ful of sterres shene; And to declaré what they woldé mene Vn to the Kyng with ful gret reuerence, These wreten there gyftes shortly in sentence: ‘_Induat te Dominus Coronâ Gloriæ, Sceptro Clementiæ, Gladio Justitiæ, Pallio Prudentiæ, Scuto Fidei, Galiâ Salutis, et Vinculo Pacis._’ ‘_God the endue with a crowne of glorie, And with a Sceptre of clennesse and pité; And with a sheld of right and victorie, And with a mantel of prudence clad thou be: A shelde of feith for to defendé thee, An helme of helthé wrought to thine encres, Girt with a girdell of loue and perfect pees._’ These vij Virgynes of sight most heuenly With herte, body, and handys reioysyng, And of there cheres aperid murely, For the Kynge’s gracious hom comyng: And for gladnesse they be gan to synge Most angelik, with heuenly armonye, This same roundell which y shall now specifie. ‘_Souerayne lord wolcome to zoure Citee, Wolcome oure Joye, and our hertys plesaunce; Wolcome, wolcome, right wolcome mote ye be, Wolcome oure gladnes, wolcome oure suffisaunce: Syngyng to fore thi Rialle mageste We saye of herte with oughten variaunce Souereign lord wolcome, wolcome oure Joye, Wolcome you be, vnto your owne newe Troye.’ ‘Mayr, Citezines, and al the commonté, At zoure hom comyng newé out of Fraunce, By grace releuyd of there olde greuaunce, Synge this day with gret solempnyté._’ Thus resceyuyd, an esy paas rydyng The King is entred in to yis Citee.’ “The King next passed on to the Conduit in Cornhill, where he was awaited by other Pageants equally sumptuous and interesting; but as these are out of our province, we shall mention them no farther.