*113* Quam multa passus est Ulixes in illo errore diuturno, cum et mulieribus, si Circe et Calypso mulieres appellandae sunt, inserviret et in omni sermone omnibus affabilem [et iucundum][107] esse se vellet! domi vero etiam contumelias servorum ancillarumque pertulit, ut ad id aliquando, quod cupiebat, veniret. At Aiax, quo animo traditur, milies oppetere mortem quam illa perpeti maluisset. Quae contemplantes expendere oportebit, quid quisque habeat sui, eaque moderari nec velle experiri, quam se aliena deceant; id enim maxime quemque decet, quod est cuiusque maxime suum. *114* _Suum_[108] quisque igitur noscat ingenium acremque se et bonorum et vitiorum suorum iudicem praebeat, ne scaenici plus quam nos videantur habere prudentiae. Illi enim non optimas, sed sibi accommodatissimas fabulas eligunt; qui voce freti sunt, Epigonos Medumque, qui gestu, Melanippam, Clytemnestram, semper Rupilius, quem ego memini, Antiopam, non saepe Aesopus Aiacem. Ergo histrio hoc videbit in scaena, non videbit sapiens vir in vita? Ad quas igitur res aptissimi erimus, in iis potissimum elaborabimus; sin aliquando necessitas nos ad ea detruserit, quae nostri ingenii non erunt, omnis adhibenda erit cura, meditatio, diligentia, ut ea si non decore, at quam minime indecore facere possimus; nec tam[109] est enitendum, ut bona, quae nobis data non sint, sequamur, quam ut vitia fugiamus. [103] _studia nostra nostrae naturae regula_ Ernesti, Bt., Heine; _studia nostra nostra_ (corr. ex _nostri_) _regula_ A; _studia nostrae regulae_ B; _studia nostrae regulā_ H; _studia nostra regula_ a; _studia_ (corr. in _studii_) _nostri regula_ b; _studia nostra naturae regula_ L c, Nonius; _studia nostrae naturae regula_ Müller. [104] _cum_ Lambinus, Edd.; not in MSS. [105] _innatus_ Bt., Edd.; _notus_ MSS. [106] _alius in eadem causa non debeat_ L c p, Müller, Heine; not in A B H b; _alius non debeat_ a; _alius_ [_in eadem causa_] _non debeat_ Bt., Ed. [107] _et iocundum_ L c p; not in A B H a b; [_et iucundum_] Bt., Ed. [108] _Suum_ Orelli; not in MSS.; but p has _ingenium suum_. [109] _tam_ L c, Edd.; _tam_ (i.e. _tamen_) A B H b. #Conduct must accord with individual endowments.#