92. Scio alios, Lyran., Euthim., Bellarm., Titelman., Genebrard., in Psal. 77. v. 24. et 25., interpretari Panem Angelorum Panem ab Angelis paratum, seu Angelorum ministerio a Cœlo demissum; Hugonem autem Cardinalem Panem Angelorum exponere: quia ille cibus hoc efficiebat in Judæis, quod in Angelis efficit cibus illorum, pro parte: Angeli enim non incurrunt infirmitatem. Voluerunt enim expositores Hebræi, ut etiam asseverat Josephus, quod Judæi in Deserto vescentes manna, nec senescerent, nec ægrotarent, nec lassarentur; proinde illa esset tanquam panis, quo vescuntur Angeli, qui nec senio, nec ægritudine, nec lassitudine unquam laborant. 92. I am aware that others look upon the Bread of Angels as bread prepared by Angels, or sent down from Heaven by the ministry of Angels. But Cardinal Hugo explains that qualification by saying that that food partly produced the same effect upon the Jews, which the food of Angels produces upon the latter. Angels, in fact, are not liable to any infirmity; on the other hand Hebrew commentators, and Josephus himself, assert that whilst in the Wilderness, living upon Manna, the Jews neither grew old, nor sickened, nor tired; so that Manna was like unto the bread that Angels feed upon, who know neither old age, nor sickness, nor fatigue. 93. Istas quidem expositiones recipere æquum est, utpote tantorum Doctorum aucthoritate suffultas. Facessit tamen difficultatem, quod ministerio Angelorum Hebræis non minus parata fuere columna nubis, et ignis, coturnices, et aqua de petra, quam manna; nec tamen ista dicta fuere columna, aqua, aut potus Angelorum. Cur ergo potius vocari deberet manna, quia parata ministerio Angelorum, =Panis Angelorum=, quam =Potus Angelorum= aqua eorumdem ministerio saxo educta? Insuper in sacra Scriptura panis dum dicitur =panis alicujus=, dicitur =panis ejus= qui illo vescitur, non ejus qui illum parat, aut fabricat, et de hoc infinita habemus exempla in sacra Scriptura: ut =Exod.= c. 23. v. 25. =Benedicam panibus tuis, et aquis=; lib. 2. =Reg.= c. 12. v. 3. =De pane illius comedens=; =Tob.= c. 4, v. 17. =Panem tuum cum egenis comede=; et v. 18. =Panem tuum super sepulturam Justi constitue=; =Ecclesiast.= c. 11. v. 1. =Mitte panem tuum super transeuntes aquas=; =Isai.= c. 58. v. 7. =Frange esurienti panem tuum=; =Jerem.= c. 11. v. 19. =Mittamus lignum in panem ejus=; =Matth.= c. 15. v. 26. =Non est bonum sumere panem filiorum=; =Luc.= c. 11. v. 3. =Panem nostrum quotidianum.= Ex quibus locis patenter habetur, quod panis dicitur ejus qui eo vescitur, non vero, qui ipsum conficit, affert, aut parat. Commode igitur in loco citato Psalmi accipi potest =Panis Angelorum=, cibus quo vescuntur Angeli non quidem incorporei (isti enim materiali cibo non egent), sed corporei, ista nempe rationalia animalia, de quibus hucusque disseruimus, degentia in aere, et quæ ratione tenuitatis suorum corporum, ac rationalis naturæ, quam maxime ad Angelos immateriales accedunt, ut proinde nuncupentur.