[Sidenote: The ark settles on Mount Ararat.] On a rasse of a rok, hit rest at þe laste, On þe mou{n}te of mararach of armene hilles, Þat oþ{er}-wayeȝ on ebrv hit hat þe thanes. 448 Bot þaȝ þe kyste in þe crageȝ wern closed to byde, Ȝet fyned not þe flod ne fel to þe boþemeȝ, [Sidenote: Noah beholds the bare earth.] Bot þe hyȝest of þe eggeȝ vnhuled wern a lyttel, Þat þe burne by{n}ne borde byhelde þe bare erþe; 452 [Sidenote: He opens his window and sends out the raven to seek dry land.] Þe{n}ne wafte he vpon his wyndowe, & wysed þ{er}-oute A message fro þat meyny hem moldeȝ to seche, Þat watȝ þe rauen so ronk þat rebel watȝ eu{er}; He watȝ colored as þe cole, corbyal vn-trwe. 456 & he fongeȝ to þe flyȝt, & fa{n}neȝ on þe wyndeȝ, Houeȝ hyȝe upon hyȝt to herken tyþy{n}ges. [Sidenote: The raven “croaks for comfort” on finding carrion.] He croukeȝ for comfort when carayne he fyndeȝ; Kast vp on a clyffe þer costese lay drye, 460 He hade þe smelle of þe smach & smolt{es} þeder sone, [Sidenote: He fills his belly with the foul flesh.] Falleȝ on þe foule flesch & fylleȝ his wombe, & sone ȝederly for-ȝete ȝister-day steuen, How þe cheuetayn hy{m} charged þ{a}t þe kyst ȝemed. 464 Þe rauen raykeȝ hy{m} forth þat reches ful lyttel How alle fodeȝ þer fare, elleȝ he fynde mete; [Headnote: NOAH SENDS FORTH A DOVE.] [Sidenote: The lord of the ark curses the raven, and sends out the dove.] Bot þe burne by{n}ne borde[22] þat bod to hys come, Ba{n}ned hy{m} ful bytt{er}ly w{i}t{h} best{es} alle samen, 468 [Sidenote: [Fol. 63b.]] He secheȝ an oþ{er} sondeȝmon & setteȝ on þe dou{n}e;[23] Bry{n}geȝ þat bryȝt vpon borde blessed & sayde, “Wende worþelych wyȝt v{us} woneȝ to seche, Dryf ou{er} þis dy{m}me wat{er}; if þ{o}u druye fyndeȝ 472 Bry{n}g bodworde to bot blysse to v{us} alle; Þaȝ þat fowle be false, fre be þ{o}u euer.” [Sidenote: The bird wanders about the whole day.] Ho wyrl{e} out on þe weder o{n} wy{n}geȝ ful scharpe, Dreȝly alle a longe day þ{a}t dorst neu{er} lyȝt; 476 [Sidenote: Finding no rest, she returns about eventide to Noah.] & when ho fyndeȝ no folde her fote on to pyche, Ho vmbe-kesteȝ þe coste & þe kyst secheȝ, Ho hitteȝ on þe euentyde & on þe ark sitteȝ; Noe ny{m}mes hir anon & naytly hir staueȝ. 480 [Sidenote: Noah again sends out the dove.] Noe on anoþ{er} day ny{m}meȝ efte þe dovene, & byddeȝ hir bowe ou{er} þe borne efte bonkeȝ to seche; & ho skyrmeȝ vnder skwe & skowteȝ aboute, Tyl hit watȝ nyȝe at þe naȝt & noe þe{n} secheȝ. 484