++Sturio / the sturgio{n} is a gret fisshe in the ro{n}ninge waters / and he taketh no fode i{n} his body, but lyueth of {th}e styl and swete ayres therfore he hathe a small bely / w{i}t{h} a hede and no mouthe, but vnder his throte he hathe a hole {tha}t he closeth whan he wyll / he openeth it whan it is fayre weder / & with an east wynde he waxeth fat / and whan that the north winde bloweth, than falleth he to the grou{n}de / it is a fisshe of ix. fote longe whan he is ful growen / he hath whyte swete flesshe & yolow fatte / & he hathe no bone in all his body but only in his hede. Cap. xcij. [Sidenote: _Tench._] ++Tecna is a tenche of the fresshe water, and is fedde in the mudde lyke {th}e ele / & is moche lyke of colours: it is a [Sidenote: Tintinalus.] swete fisshe, but it is euyll to disiest. ¶ Tintinalus is a fayre mery fisshe, & is swete of sauour, & well smellinge lyke the [Sidenote: Torpedo.] tyme, where of it bereth the name. ¶ ++Torpido is a fisshe. but who-so handeleth hym shalbe lame & defe of ly{m}mes / that he shall fele no thyng / & it hathe a maner of Squitana {tha}t is spoke{n} of in {th}e lxxxiiii. chapter[1], and his nature. Cap. xciij. [Sidenote: _Trout._] [Textnotes: [A _for_ Trutta] [B ? flesshe]] ... ¶ ++Trncka[A] / the trowte is a fisshe of the ryuer, & hathe scales, & vpo{n} his body spottys of yelow and blodye coloure. & his fisshe[B] is rede frome {th}e monthe of July to the monthe of Noue{m}ber / and is moche sweter than {th}e fresshe samo{n}; and all the other part of the yere his fisshe[B] is whyte. Cap. xcv. [Sidenote: Testudo.] ++Testudo is a fysshe in a shelle / & is in {th}e se of Inde / & his shelle is very great & like a muskle / & be nyght they go out for theyr mete / & whan they haue eten theyr bely full / tha{n} they slepe swy{m}mi{n}g vpon the wat{er}. tha{n} ther come iij. fisshers botes / of {th}e wiche .iij. twayn take one of these muskles. Solinus sayth. {tha}t this muskle hathe his vppermest shell so brode that it may couere a howse / where many folke may hyde them vnder / And it gothe out the wat{er} vpon the londe / & there it layth an hondred egges as grete as gose eggis / and couer the{m} w{ith} erth / & oftentymes be night it gothe to the eggys & layeth vpo{n} the{m} w{i}t{h} her brest, & than become they yo{n}ges. [This copy of Admiral Swinburne’s _Andrewe_ ends with the next column of this page, sign. v. i. back, with an illustration not headed, but which is that to Cap. xcvij.] [Footnote 1: Squatin{us} is a fisshe in {th}e se, of fiue cubites longe: his tayle is a fote brode, & he hideth him in the slimy mudde of {th}e se, & marreth al other fisshes that come nigh him: it hath so sharpe a ski{n}ne that in som places they shaue wode with it, & bone also / on his ski{n}ne is blacke short here. The nature hathe made him so harde that he can nat almoste be persed with nouther yron nor stele.]