[Sidenotes: _Keruynge of Flesshe._ [a] Your hands must be clean; only two fingers and a thumb should be put on your knife, or on fish, flesh, or fowl. [b] Wipe your knife on your napkin. [c] Lay 4 trenchers for your lord, with 2 or 4 on them and the upper crust of a fine loaf. [d] Give heed to what is indigestible, as resty, fat things, feathers, heads, legs, &c.] ¶ Seruyce. ¶ [a] Take your knyfe in your ha{n}de, and cut brawne in y^e dysshe as it lyeth, & laye it on your soueraynes trenchour, & se there be mustarde. [b] Venyson with fourme{n}ty is good for your souerayne: touche not the venyson with your ha{n}de, but with your knyfe cut it .xii. draugh[Fol. A 5b.]tes with the edge of your knyfe, and cut it out in to y^e fourmenty / doo in the same wyse with pesen & bacon, befe chyne and motto{n} / pare the befe, cut the motto{n} / & laye to your souerayne / beware of fumosytees / salte, senewe, fatte, resty & rawe. In syrupe, [c] fesande, partryche, stockdoue, & chekyns / in the lefte ha{n}de take them by the pynyo{n}, & with the foreparte of your knyfe lyfte vp your wy{n}ges / than mynce it in to the syrupe / beware of sky{n}ne rawe & senowe. [d] Goos, tele, malarde, & swa{n}ne, reyse [L] the legges, than the wynges / laye the body in y^e myddes or in a nother plater / the wynges in the myddes & the legges; after laye the brawne bytwene the legges / & the wynges in the plater. [e] Capo{n} or henne of grece, lyfte the legges, tha{n} the wynges, & caste on wyne or ale, than mynce the wynge & giue your souerayne. Fesande, partryche, [f] plouer or lapwynge, reyse y^e wynges, & after the legges. woodcocke, [g] bytture, egryt, snyte, curlewe & heronsewe, vnlace them, breke of the pynyons, necke & becke / tha{n} reyse the legges, & let the fete be on styll, than the wynges. [h] A crane, reyse the wynges fyrst, & beware of the trumpe in his brest. Pecocke, storke, bustarde & [i] shouyllarde, vnlace them as a crane, and let y^e fete be on styll. [k] Quayle, sparow, larke, martynet, pegyon, swalowe, & thrusshe, y^e legges fyrst, tha{n} y^e wynges. [l] Fawne, kyde, and lambe, laye the kydney to your souerayne, tha{n} lyfe vp the sholder & gyue your souerayne a rybbe. [m] Venyson roste, cut it in the dysshe, & laye it to your souerayne. [n] A cony, lay hy{m} on the backe, cut away the ventes bytwene the hy{n}der legges, breke the canell bone, than reyse the sydes, than lay the cony on y^e wombe, on eche syde the chyne y^e two sydes departed from the chy{n}e, tha{n} laye the bulke, chyne, & sydes, in y^e dysshe. [Fol. A 6.] [o] Also ye must my{n}ce foure lesses to one morcell of mete, that your soverayne may take it in the sauce. [p] All bake metes that ben hote, open them a-boue the coffyn; & all that ben colde, ope{n} theym in the mydwaye. [q] Custarde, cheke them inche square that your souerayne may ete therof. [r] Doucettes, pare awaye the sydes & the bottom: beware of fumosytes.