Few ar trew, but fele ar[D] fals. Þo clerke of kechyn, countrollo{ur}, Stuarde, coke, and surueyour, 524 Assente{n} in counsell{e}, w{i}t{h}-oute{n} skorne, How þo lorde schall{e} fare at mete þo morne. Yf any deyntethe in countré be, Þo stuarde schewes h{i}t to þo lorde so fre, 528 And gares by hyt for any cost, Hit wer{e} grete syn and hit wer{e} lost. Byfore þe cours þo stuarde comes þen, Þe seruer h{i}t next of alle kyn me{n} 532 Mays way and stondes by syde, Tyl all{e} be s{er}ued at þ{a}t tyde. At countyng stuarde schall{e} ben, Tylle all{e} be breuet of wax so grene, 536 Wrytten in-to bokes, w{i}t{h}-out let, Þ{a}t be-fore in tabuls hase ben sett, Tyl countes also þ{er}-on ben cast, And somet vp holy at þo last. 540 [Sidenotes: _Of the Steward._ [522] Few are true, but many false. He, the clerk, cook and surveyor consult over their Lord’s dinner. [527] Any dainty that can be had, the Steward buys. [531] Before dishes are put on, the Steward enters first, then the Server. [535] The Steward shall post into books all accounts written on tablets, and add them up.] ¶ De cont{ra}rotulatore.[33] ¶ The Countrollo{ur} shall{e} wryte to hym, Taunt resceu, no more I myn; And taunt dispendu þ{a}t same day, Vncountabull{e} he is, as y ȝou say. 544 [Sidenotes: _Of the Controller._ [541] He puts down the receipt and consumption of every day.] ¶ De sup{er}uisore.[34] ¶ Surueour and stuarde also, Thes thre folke and no mo, For noȝt resayue{n} bot eu{er} sene Þ{a}t noþyng fayle {and} alle be whene; 548 Þ{a}t þo clerke of kechyn schulde not mys, Þ{er}-fore þo countrollo{ur}, as hafe I blys, Wrytes vp þo somme as eu{er}y day, And helpes to count, as I ȝou say. 552 [Sidenotes: _Of the Surveyor._ [546] He, the steward, and controller, receive nothing, but see that all goes straight. [550] The Controller checks daily the Clerk of the kitchen’s account.] ¶ De Clerico coquine.[35] ¶ The clerke of þe cochyñ shall{e} all{e} þyng breue, Of men of court, bothe lothe and leue, Of achat_is and_ dispenses þen wrytes he, And wages for gromes and ȝeme{n} fre; 556 At dresso{ur} also he shalle stonde, And fett forthe mete dresset w{i}t{h} honde; Þe spicery and store w{i}t{h} hym shall{e} dwelle, And mony thynges als, as I noȝt telle, 560 For clethyng of officers alle i{n} fere, Saue þe lorde hym self and ladys dere.