She's ta'en the ribbons frae her hair, _Hey wi' the rose and the lindie O_, Boun' their bodies fast and sair, _Alane by the green burn sidie O_. 20 She's put them aneath a marble stane, _Hey wi' the rose and the lindie O_, Thinkin' a may to gae her hame, _Alane by the green burn sidie O_. Leukin' o'er her castel wa', 25 _Hey wi' the rose and the lindie O_, She spied twa bonny boys at the ba', _Alane by the green burn sidie O_. "O bonny babies, if ye were mine, _Hey wi' the rose and the lindie O_, 30 I woud feed ye wi' the white bread and wine, _Alane by the green burn sidie O_. "I wou'd feed ye with the ferra cow's milk, _Hey wi' the rose and the lindie O_, An' dress ye i' the finest silk," 35 _Alane by the green burn sidie O_. "O cruel mother, when we were thine, _Hey wi' the rose and the lindie O_, We saw nane o' your bread and wine, _Alane by the green burn sidie O_. 40 "We saw nane o' your ferra cow's milk, _Hey wi' the rose and the lindie O_, Nor wore we o' your finest silk," _Alane by the green burn sidie O_. "O bonny babies, can ye tell me, 45 _Hey wi' the rose and the lindie O_, What sort o' death for ye I maun dee," _Alane by the green burn sidie O_. "Yes, cruel mother, we'll tell to thee, _Hey wi' the rose and the lindie O_, 50 What sort o' death for us ye maun dee, _Alane by the green burn sidie O_. "Seven years a fool i' the woods, _Hey wi' the rose and the lindie O_, "Seven years a fish i' the floods, 55 _Alane by the green burn sidie O_. "Seven years to be a church bell, _Hey wi' the rose and the lindie O_, Seven years a porter i' hell," _Alane by the green burn sidie O_. 60 "Welcome, welcome, fool i' the wood, _Hey wi' the rose and the lindie O_, Welcome, welcome, fish i' the flood, _Alane by the green burn sidie O_. "Welcome, welcome, to be a church bell, 65 _Hey wi' the rose and the lindie O_, But heavens keep me out o' hell," _Alane by the green burn sidie O_. BONDSEY AND MAISRY. See p. 298. From Buchan's _Ballads of the North of Scotland_, ii. 265. "O come along wi' me, brother, Now come along wi' me; And we'll gae seek our sister Maisry, Into the water o' Dee." The eldest brother he stepped in, 5 He stepped to the knee; Then out he jump'd upo' the bank, Says, "This water's nae for me."