"Now, bonny grey, now play your part! Gin ye be the steed that wins my deary, Wi' corn and hay ye'se be fed for aye, And never spur sall make you wearie."-- The grey was a mare, and a right good mare; 25 But when she wan the Annan water, She couldna hae ridden a furlong mair, Had a thousand merks been wadded at her. "O boatman, boatman, put off your boat! Put off your boat for gowden money! 30 I cross the drumly stream the night, Or never mair I see my honey."-- "O I was sworn sae late yestreen, And not by ae aith, but by many; And for a' the gowd in fair Scotland, 35 I dare na take ye through to Annie." The side was stey, and the bottom deep, Frae bank to brae the water pouring; And the bonny grey mare did sweat for fear, For she heard the water-kelpy roaring. 40 O he has pou'd aff his dapperby coat, The silver buttons glanced bonny; The waistcoat bursted aff his breast, He was sae full of melancholy. He has ta'en the ford at that stream tail; 45 I wot he swam both strong and steady; But the stream was broad, and his strength did fail, And he never saw his bonny ladye! "O wae betide the frush saugh wand! And wae betide the bush of brier! 50 It brake into my true love's hand, When his strength did fail, and his limbs did tire. "And wae betide ye, Annan Water, This night that ye are a drumlie river! For over thee I'll build a bridge, 55 That ye never more true love may sever."-- ANDREW LAMMIE. "From a stall copy published at Glasgow several years ago, collated with a recited copy, which has furnished one or two verbal improvements." Motherwell's _Minstrelsy_, p. 239. Mr. Jamieson has published two other sets of this simple, but touching ditty, (i. 126, ii. 382,) one of which is placed after the present. Motherwell's text is almost verbatim that of Buchan's _Gleanings_, p. 98. The _Thistle of Scotland_ copies Buchan and Jamieson without acknowledgment. The story has been made the foundation of a rude drama in the North of Scotland. For a description of similar entertainments, see Cunningham's Introduction to his _Songs of Scotland_, i. 148.