The ladie met wi' a beggar-wife, 125 And gied her half o' crown-- "Tell a' your neebours whan ye gae hame, That Earl Richard's your gude-son." "O haud your tongue, ye beggar's brat, My heart will brak in three;" 130 "And sae did mine on yon bonnie hill-side, Whan ye wad na lat me be." Whan she cam to yon nettle-dyke-- "An my auld mither was here, Sae weill as she wad ye pou; 135 She wad boil ye weill, and butter ye weill, And sup till she war fou, Syne laye her head upo' her dish doup, And sleep like onie sow." And whan she cam to Tyne's water, 140 She wylilie did say-- "Fareweil, ye mills o' Tyne's water, With thee I bid gude-day. "Fareweil, ye mills o' Tyne's water, To you I bid gude-een; 145 Whare monie a time I've fill'd my pock, At mid-day and at een." "Hoch! had I drank the well-water, Whan first I drank the wine, Never a mill-capon 150 Wad hae been a love o' mine." Whan she cam to Earl Richard's house, The sheets war Hollan' fine; "O haud awa thae linen sheets, And bring to me the linsey clouts, 155 I hae been best used in." "O haud your tongue, ye beggar's brat, My heart will brak in three;" "And sae did mine on yon bonnie hill-side, Whan ye wadna lat me be." 160 "I wish I had drank the well-water, Whan first I drank the beer; That ever a shepherd's dochter Shou'd hae been my only dear!" "Ye'll turn about, Earl Richard, 165 And mak some mair o' me: An ye mak me lady o' ae puir plow, I can mak you laird o' three." "If ye be the Earl o' Stockford's dochter, As I've some thouchts ye be, 170 Aft hae I waited at your father's yett, But your face I ne'er could see." Whan they cam to her father's yett, She tirled on the pin; And an auld belly-blind man was sittin' there, 175 As they were entering in:-- "The meetest marriage," the belly-blind did cry, "Atween the ane and the ither; Atween the Earl o' Stockford's ae dochter, And the Queen o' England's brither." 180 GLOSSARY. [hand] Figures placed after words denote the pages in which they occur. aboon, aboun, abune, _above_; 151, above the surface of the water. ackward stroke, 84, 178, _cross or back stroke_. acton, _a leather jacket worn under a coat of mail_. ae, _only_. airts, _quarters_, _points of the compass_. an, _one_; an ae, _one single_. aneath, _beneath_. anes, _once_. asking, _boon_. aughts, _owns_. aukeward stroke, 178, 84, _cross or back stroke_.