"I say not nay, but that all day It is bothe writ and sayde, That womans fayth is, as who sayth, 15 All utterly decayed: But nevertheles, right good witnes In this case might be layde, That they love trewe, and contynew,-- Recorde THE NUTBROWNE MAIDE; 20 Whiche from her love, whan her to prove He cam to make his mone, Wolde not departe, for in her herte She lovyd but hym allone." "Than betwene us lete us discusse 25 What was all the man['e]r Betwene them too; we wyl also Telle all the peyne and fere[L28] That she was in; nowe I begynne, See that ye me answ['e]re:[L30] 30 Wherfore [all] ye that present be, I pray you geve an eare. I am the knyght, I cum be nyght, As secret as I can, Sayng 'Alas! thus stondyth the case,[L35] 35 I am a bannisshed man!'" "And I your wylle for to fulfylle In this wyl not refuse, Trusting to shewe, in wordis fewe, That men have an ille use, 40 To ther owne shame, wymen to blame, And causeles them accuse: Therfore to you I answere now, Alle wymen to excuse, 'Myn owne hert dere, with you what chiere? 45 I prey you telle anoon: For in my mynde, of all mankynde I love but you allon.'" "It stondith so: a deed is do Wherof moche harme shal growe.[L50] 50 My desteny is for to dey A shamful dethe, I trowe, Or ellis to flee,--the ton must be: None other wey I knowe, But to withdrawe as an outlaw, 55 And take me to my bowe. Wherfore, adew, my owne hert trewe, None other red I can; For I muste to the grene wode goo, Alone, a bannysshed man." 60 "O Lorde, what is this worldis blisse That chaungeth as the mone! My somers day in lusty May Is derked before the none. I here you saye Farwel: nay, nay, 65 We departe not soo sone. Why say ye so? Wheder wyl ye goo? Alas, what have ye done? Alle my welfare to sorow and care Shulde chaunge, yf ye were gon: 70 For in my mynde, of all mankynde I love but you alone."