Robene sat on gud grene hill, Keipand a flok of fie: Mirry Makyne said him till, "Robene, thow rew on me; I haif th['e] luvit, lowd and still, 5 Thir yeiris two or thr['e]; My dule in dern bot gif thow dill, Doutles bot dreid I d['e]." Robene answerit, "Be the rude, Na thing of lufe I knaw, 10 Bot keipis my scheip undir yone wud; Lo quhair thay raik on raw. Quhat hes marrit th['e] in thy mude, Makyne, to me thow schaw; Or quhat is love, or to be lude? 15 Faine wald I leir that law." "At luvis lair gife thow will leir, Tak thair ane A, B, C; Be kynd, courtas, and fair of feir, Wyse, hardy, and fr['e]. 20 S['e] that no denger do th['e] deir, Quhat dule in dern thow dr['e]; Preiss th['e] with pane at all poweir, Be patient and previe." Robene answerit her agane: 25 "I wait nocht quhat is luve, Bot I haif mervell in certaine, Quhat makis th['e] this wanrufe; The weddir is fair, and I am fane, My scheip gois haill aboif, 30 And we wald play us in this plane, They wald us bayth reproif." "Robene, tak tent unto my taill, And wirk all as I reid, And thow sall haif my hairt all haill, 35 Eik and my madinheid. Sen God sendis bute for baill, And for murning remeid, I dern with th['e] bot gif I daill, Dowbtles I am bot deid." 40 "Makyne, to morne this ilka tyde, And ye will meit me heir; Perventure my scheip ma gang besyd, Quhyll we haif liggit full neir: Bot maugre haif I, and I byd, 45 Fra they begin to steir; Quhat lyis on hairt I will nocht hyd; Makyne, than mak gud cheir." "Robene, thou reivis me roiss and rest; I luve bot th['e] allone." 50 "Makyne, adew, the sone gois west, The day is neirhand gone." "Robene, in dule I am so drest, That lufe will be my bone." "Ga lufe, Makyne, quhair evir thou list, 55 For leman I lue none." "Robene, I stand in sic a style, I sicht, and that full sair." "Makyne, I haif bene heir this quyle: At hame God gif I wair!" 60 "My hinny, Robene, talk ane quhyle, Gif thou wilt do na mair." "Makyne, sum uthir man begyle, For hamewart I will fair."