Then in be-came their step-mother, 5 Sae stately steppin' ben; "O gin I live and bruik my life, I'll gar ye change your tune." "O we sang ne'er that sang, ladie, But we will sing again; 10 And ye ne'er boor that son, ladie, We wad lay our love on. "But we will cow our yellow locks, A little abune our bree; And we will on to gude green-wud, 15 And serve for meat and fee. "And we will kilt our gay claithing A little below the knee; And we will on the gude green-wud, Gif Robin Hood we see. 20 "And we will change our ain twa names, When we gae frae the toun,-- The tane we will call Nicholas, The tither Rogee Roun." Then they hae cow'd their yellow locks, 25 A little abune their bree; And they are on to gude green-wud To serve for meat and fee. And they hae kilt their gay claithing A little below their knee, 30 And they are on to gud green-wud, Gif Robin Hood they see. And they hae chang'd thair ain twa names, When they gaed frae the toun;-- The tane they've called Nicholas, 35 The tither Rogee Roun. And they hae staid in gude green-wud, And never a day thoucht long, Till it fell ance upon a day, That Rogee sang a sang. 40 "When we were in our fathers bouer, We sew'd the silken seam; But now we walk the gude green-wud, And bear anither name. "When we were in our fathers ha', 45 We wore the beaten gold; But now we wear the shield sae sharp, Alas! we'll die with cold!" Then up bespake him Robin Hood, As he to them drew near; 50 "Instead of boys to carry the bow, Twa ladies we've got here." So they had not been in gud green-wud, A twalmonth and a day, Till Rogee Roun was as big wi' bairn 55 As onie lady could gae. "O wae be to my stepmother, That garr'd me leave my hame, For I'm wi' bairn to Robin Hood, And near nine month is gane. 60 "O wha will be my bouer-woman? Na bouer-woman is here! O wha will be my bouer-woman, Whan that sad time draws near? * * * * * * * The tane was wedded to Robin Hood, 65 And the tither to Little John; And it was a' owing to their step-mother That garr'd them leave their hame. ROBIN HOOD AND THE BEGGAR.