"And ein wae worth ze, Jock my man, 45 I paid ze weil zour fee; Why pow ze out my ground wa' stane, Lets in the reek to me? "And ein wae worth ze, Jock my man, For I paid zou weil zour hire; 50 Why pow ze out my ground wa' stane, To me lets in the fire?" "Ye paid me weil my hire, lady, Ye paid me weil my fee, But now I'm Edom of Gordon's man, 55 Maun either do or die." O then bespake her zoungest son, Sat on the nurses knee, "Dear mother, gie owre your house," he says, "For the reek it worries me." 60 "I winnae gie up my house, my dear, To nae sik traitor as he; Cum well, cum wae, my jewels fair, Ye maun tak share wi me." O then bespake her dochter dear, 65 She was baith jimp and sma, "O row me in a pair o' shiets, And tow me owre the wa." They rowd her in a pair of shiets, And towd her owre the wa, 70 But, on the point of Edom's speir, She gat a deadly fa'. O bonny, bonny, was hir mouth, And chirry were her cheiks, And clear, clear was hir zellow hair, 75 Whereon the reid bluid dreips. Then wi his speir he turn'd hir owr, O gin hir face was wan! He said, "Zou are the first that eer I wisht alive again." 80 He turn'd her owr and owr again; O gin hir skin was whyte! He said, "I might ha spard thy life, To been some mans delyte." "Busk and boon, my merry men all, 85 For ill dooms I do guess; I cannae luik in that bonny face, As it lyes on the grass." "Them luiks to freits, my master deir, Their freits will follow them;[L90] 90 Let it neir be said brave Edom o' Gordon Was daunted with a dame." O then he spied hir ain deir lord, As he came owr the lee; He saw his castle in a fire, 95 As far as he could see. "Put on, put on, my mighty men,[L97] As fast as ze can drie, For he that's hindmost of my men, Sall neir get guid o' me." 100 And some they raid, and some they ran, Fu fast out owr the plain, But lang, lang, eer he coud get up, They were a' deid and slain. But mony were the mudie men 105 Lay gasping on the grien; For o' fifty men that Edom brought out There were but five ged heme. And mony were the mudie men Lay gasping on the grien, 110 And mony were the fair ladys Lay lemanless at heme.