"Ay," he cried, "though the King’s minions heap horror upon horror till every hill in the South o’ Scotland is a heather-clad Golgotha, the men will stand firm: and generations yet unborn will reap the harvest o’ their sacrifice." He ceased, and so deep a silence fell upon us that through the rock wall I could hear the splash of an icicle as it fell into the pool. The minister’s bowed head was in his hands. Awe and reverence fettered my tongue. Then Hector spoke again. He had taken his pipe from his pocket, and was filling it with care. "And noo," he said, turning to me, "I ha’e news for you." A question sprang to my lips, but before I could shape a word Hector held up his hand. "You maun ask nae questions till my tale is done. You can talk yer fill by and by: but hear me in silence first." I nodded my head, and he began. "You mind I tellt ye, before I left, that when I went west I should try to fin’ oot what happened at Daldowie. Weel, on the road to Wigtown, I held away up into the hills, and by and by I cam’ to the auld place. It stood there--what had been a bien hoose and a happy home--a heap o’ ruins, ae gable-end pointin’ an angry finger tae the sky. I looked amang the ruins, for I minded what you had seen there; but I saw naething but ashes and charred stanes, save that Nature, a wee mair kindly than man is, had scattered a flooer or twa oot o’ her lap in the by-gaun and they were bloomin’ bonnily there. By and by I took the road again, and though I go as far West as the rocks below Dunskey, where the untamed waves hammer the cliffs like an angry stallion, I gathered nane o’ the news I was seekin’. But on the hame-comin’ I dropped into the Ship and Anchor at Kirkcudbright, and as I sat ower a pot o’ yill I heard a couple o’ troopers haein’ high words. What the quarrel was aboot I dinna ken, but it ended by ane o’ them springin’ up and ganging oot o’ the door. As he went, he half turned and said, wi’ a laugh: ’Ye deserve what the guid-wife o’ Daldowie gied Claver’se.’ Whereat the dragoon left behin’ let a roar o’ laughter oot o’ him and took a lang pull at his yill. When he set it doon he laughed again, and I jaloused that his anger had passed. So I drew oot my pipe and tobacco, and I offered him a fill. He took the weed gledly, and then I drew in to his table and asked him to ha’e a drink. I ordered ’Solway waters,’ for I ken hoo they can lowse the tongue, and when they cam’ I clinked glasses wi’ him, and by way o’ settin’ suspicion to rest, I drank to the King. Soon I had him crackin’ away merrily. But I didna learn muckle frae him till I had plied him wi’ mair drink, and then his tongue got the better o’ his discretion. Suddenly he said wi’ a laugh, ’I deserve what the guid-wife o’ Daldowie gied to Claver’se, dae I? We’ll see aboot that, my lad!’ and he laughed again. I had got my opening. "’That seems to be a guid joke,’ I said. ’If it’s worth tellin’ I should like to hear it.’