servicio X militum Et si potero perquirere erga Episcopum Lund[oniæ] et erga ecclesiam Sancti Pauli Castellum de Storteford per Escambium ad Gratum suum tunc do et concedo illud ei et hæredibus suis in feodo et hereditate tenendum de me et hæredibus meis. Quod si facere non potero, tunc ei convenciono quod faciam illud prosternere et ex toto cadere. Et concedo quod Ernulf[us] de Mannavill teneat illas C libratas terræ quas ei dedi, et servicium X militum de Comite Gaufredo patre suo. Et præter hoc do et concedo eidem Ernulfo C libratas terræ de terris Eschaetis Et servicium X militum ad tenendum de domino meo Comite Andegau[ie] et de me in capite hæreditarie sibi et hæredibus suis de nobis et de hæredibus nostris videlicet Cristeshalam[526] et Benedis[527] pro quanto valent. Et superplus perficiam ei per considerationem Comitis Gaufredi. Et convenciono eidem Gaufredo Comiti Essex quod dominus meus Comes Andegauie vel ego vel filii nostri nullam pacem aut concordiam cum Burgensibus Lund[oniæ] faciemus, nisi concessu et assensu prædicti Comitis Gaufredi quia inimici eius sunt mortales. Concedo etiam eidem Gaufredo quod novum castellum quod firmavit super Lviam[528] stet et remaneat ad efforciandum ad voluntatem suam. Concedo etiam ei quod firmet unum Castellum ubicunque voluerit in terrâ suâ sicut ei per aliam cartam meam concessi, et quod stet et remaneat. Concedo etiam eidem Gaufredo quod ipse et omnes homines sui habeant et lucrentur omnia essarta sua libera et quieta de omnibus placitis facta usque ad diem qua servicio domini mei Comitis Andegavie ac meo adhesit. Hæc autem omnia supradicta tenementa in omnibus rebus concedo ei tenenda hæreditarie sibi et hæredibus suis de me et hæredibus meis. Quare volo et firmiter præcipio quod ipse Gaufredus comes et hæredes sui teneant hæc omnia supradicta tenementa ita bene et in pace et libere et quiete et honorifice et plenarie sicut unquam aliquis Comitum meorum totius Angliæ melius vel liberius tenuit vel tenet Et præter hoc dedi Willelmo filio Otueɫ[529] fratri ejusdem Comitis Gaufredi C libratas terræ de terris Escaetis tenendis de me et de hæredibus meis in feudo et hæreditate pro seruicio suo, et pro amore fratris sui Comitis Gaufredi. Concedo etiam quod Willelmus de Sai[530] habeat omnes terras et tenementa quæ fuerunt patris sui, et ipse et hæredes sui, et quod Willelmus Cap'.[531] habeat terram patris sui sine placito et ipse et hæredes sui. Concedo etiam eidem Comiti Gaufredo quod Willelmus filius Walteri[531] et hæredes sui habeant custodiam Castelli de Windesh' et omnia sua tenementa sicut ipse Willelmus et antecessores sui eam habuerunt de Rege H. patre meo et antecessoribus ipsius. Et quod Matheus de Rumilli[533] habeat terram patris sui quam Gaufridus de Turevill[534] tenet. Et Willelmus de Auco[535] habeat Lauendonam sicut Rectum suum hæreditarie. Concedo etiam eidem Comiti Gaufredo quod omnes homines sui teneant terras et tenementa