‘Weel, the better for them that bides in’t,’ answered the store-farmer. ‘Od, we had it up the water wi’ us that there wasna a stane on the tap o’ anither. But there was fighting, ony way; I daur to say it would be fine fun! And, as I said, ye may take it on trust that that’s been ane o’ the men killed there, and that it’s been the gipsies that took your pockmanky when they fand the chaise stickin’ in the snaw; they wadna pass the like o’ that, it wad just come to their hand like the bowl o’ a pint stoup.’ ‘But if this woman is a sovereign among them, why was she not able to afford me open protection, and to get me back my property?’ ‘Ou, wha kens? she has muckle to say wi’ them, but whiles they’ll tak their ain way for a’ that, when they’re under temptation. And then there’s the smugglers that they’re aye leagued wi’, she maybe couldna manage them sae weel. They’re aye banded thegither; I’ve heard that the gipsies ken when the smugglers will come aff, and where they’re to land, better than the very merchants that deal wi’ them. And then, to the boot o’ that, she’s whiles cracked-brained, and has a bee in her head; they say that, whether her spaeings and fortune-tellings be true or no, for certain she believes in them a’ hersell, and is aye guiding hersell by some queer prophecy or anither. So she disna aye gang the straight road to the well. But deil o’ sic a story as yours, wi’ glamour and dead folk and losing ane’s gate, I ever heard out o’ the tale-books! But whisht, I hear the keeper coming.’ Mac-Guffog accordingly interrupted their discourse by the harsh harmony of the bolts and bars, and showed his bloated visage at the opening door. ‘Come, Mr. Dinmont, we have put off locking up for an hour to oblige ye; ye must go to your quarters.’ ‘Quarters, man? I intend to sleep here the night. There’s a spare bed in the Captain’s room.’ ‘It’s impossible!’ answered the keeper. ‘But I say it IS possible, and that I winna stir; and there’s a dram t’ ye.’ Mac-Guffog drank off the spirits and resumed his objection. ‘But it’s against rule, sir; ye have committed nae malefaction.’ ‘I’ll break your head,’ said the sturdy Liddesdale man, ‘if ye say ony mair about it, and that will be malefaction eneugh to entitle me to ae night’s lodging wi’ you, ony way.’ ‘But I tell ye, Mr. Dinmont,’ reiterated the keeper, ‘it’s against rule, and I behoved to lose my post.’ ‘Weel, Mac-Guffog,’ said Dandie, ‘I hae just twa things to say. Ye ken wha I am weel eneugh, and that I wadna loose a prisoner.’ ‘And how do I ken that?’ answered the jailor. ‘Weel, if ye dinna ken that,’ said the resolute farmer, ‘ye ken this: ye ken ye’re whiles obliged to be up our water in the way o’ your business. Now, if ye let me stay quietly here the night wi’ the Captain, I’se pay ye double fees for the room; and if ye say no, ye shall hae the best sark-fu’ o’ sair banes that ever ye had in your life the first time ye set a foot by Liddel Moat!’