In antiquis annalibus memoria super libris Sibyllinis haec prodita est. Anus hospita atque incognita ad Tarquinium Superbum regem adiit, novem libros ferens, quos esse dicebat divina oracula: eos velle venundare. Tarquinius pretium percontatus {5} est: mulier nimium immensum poposcit. Rex, quasi anus aetate desiperet, derisit. Tum illa foculum coram eo cum igne apposuit, et tres libros ex novem deussit; et, ecquid reliquos sex eodem pretio emere vellet, regem interrogavit. Sed enim {10} Tarquinius id multo risit magis dixitque anum iam procul dubio delirare. Mulier ibidem statim tres libros alios exussit; atque id ipsum denuo placide interrogavit, an tres reliquos eodem pretio emat. Tarquinius ore iam serio, atque attentiore animo fit; eam {15} constantiam confidentiamque non insuper habendam intelligit: libros tres reliquos mercatur nihilo minore pretio, quam quod erat petitum pro omnibus. . . . Libri tres in sacrarium conditi Sibyllini appellati. Ad eos, quasi ad oraculum, quindecimviri {20} adeunt, cum dii immortales publice consulendi sunt. AULUS GELLIUS (fl. 143 A.D.), i. 19. [Linenotes: 1, 2. +libris Sibyllinis+, i.e. a collection of prophecies uttered by the legendary prophetess who lived at Cumae, near Naples. 5. +venundare+ = _to sell_. Cf. _ven-eo_ (= _venum + eo_), _ven-do_, and our _vendor_. 12. +delirare+ = _to be out of her mind_. Lit. to make a crooked furrow in ploughing; _de + lira_ (a furrow). 19. +sacrarium+ = _the place for the keeping of holy things_, i.e. the Capitol. The original Sibylline Books were burnt in the fire on the Capitol, 82 B.C., but a fresh collection was made by Augustus, and deposited in the temple of Apollo on the Palatine. 20. +quindecimviri+ (_sacris faciundis_), i.e. a college of priests who had charge of the Sibylline Books.] +Parallel Passages.+ Verg. _Aen._ vi., espec. ll. 42-101, for the Cumaean Sibyl. +The Sibylline Books.+ ‘There existed also Etruscan +libri fatales+ (_Books of Fate_), and these, together with the Sibylline Books, were kept in the Temple of Capitoline Jupiter. Nothing seemed more natural than to suppose that Tarquin, who built that temple, purchased also the sacred books of the Sibyl.’ --Ihne. D5 TARQUINIUS SUPERBUS, 534-509 B.C. A. _Sextus Tarquinius at Gabii._ Inde in consilia publica adhiberi. . . . Ita cum sensim ad rebellandum primores Gabinorum incitaret, ipse cum promptissimis iuvenum praedatum atque in expeditiones iret, et dictis factisque omnibus ad fallendum instructis vana accresceret fides, dux ad {5} ultimum belli legitur. Ibi cum inscia multitudine, quid ageretur, proelia parva inter Romam Gabiosque fierent, quibus plerumque Gabina res superior esset, tum certatim summi infimique Gabinorum Sex. Tarquinium dono deum sibi missum ducem credere. {10} Apud milites vero obeundo pericula ac labores pariter, praedam munifice largiendo tanta caritate esse, ut non pater Tarquinius potentior Bomae quam filius Gabiis esset.