B. Pons sublicius iter paene hostibus dedit, ni unus vir fuisset, Horatius Cocles. . . . Qui positus forte in statione pontis, cum captum repentino impetu Ianiculum atque inde citatos decurrere hostes vidisset, {10} trepidamque turbam suorum arma ordinesque relinquere, reprehensans singulos, obsistens obtestansque deum et hominum fidem testabatur nequiquam deserto praesidio eos fugere; si transitum pontem a tergo reliquissent, iam plus hostium in Palatio {15} Capitolioque quam in Ianiculo fore. Itaque monere, praedicere, ut pontem ferro, igni, quacunque vi possint, interrumpant; se impetum hostium, quantum corpore uno posset obsisti, excepturum. Vadit inde in primum aditum pontis, insignisque inter {20} conspecta cedentium pugnae terga, obversis cominus ad ineundum proelium armis, ipso miraculo audaciae obstupefecit hostes. LIVY, ii. 10. [Linenotes: 7. +Pons sublicius+ = _the pile-bridge_, built by Ancus Marcius to connect Rome proper with the Janiculum-hill, or ridge. 8. +Cocles+ = _the one-eyed_, from loss of an eye in battle. 10. +citatos+ = _at full speed_. Adj. use of participle; cf. _citato equo_. 11. +trepidamque turbam+ = _panic-stricken and in disorder_. 12. +reprehensans+ = _seizing them by the arm one after another_. 14-15. +si transitum ... reliquissent+ = _if they left the bridge free for the enemy to cross by_. +transitum+ = noun, in appos. to +pontem+. 21-22. +obversis armis+ = _as he faced about_.] D9 ETRUSCAN INVASION UNDER PORSENA, 507 B.C. (2) ‘_How well Horatius kept the Bridge In the brave days of old._’ Duos tamen cum eo pudor tenuit, Sp. Larcium ac T. Herminium, ambos claros genere factisque. Cum his primam periculi procellam et quod tumultuosissimum pugnae erat, parumper sustinuit; deinde eos quoque ipsos, exigua parte pontis relicta, revocantibus, {5} qui rescindebant, cedere in tutum coegit. Circumferens inde truces minaciter oculos ad proceres Etruscorum nunc singulos provocare, nunc increpare omnes: servitia regum superborum, suae libertatis immemores alienam oppugnatum venire. {10} Cunctati aliquamdiu sunt, dum alius alium, ut proelium incipiant, circumspectant. Pudor deinde commovit aciem, et clamore sublato undique in unum hostem tela coniciunt. Quae cum in obiecto cuncta scuto haesissent, neque ille minus obstinatus ingenti {15} pontem obtineret gradu, iam impetu conabantur detrudere virum, cum simul fragor rupti pontis, simul clamor Romanorum alacritate perfecti operis sublatus, pavore subito impetum sustinuit. Tum Cocles ‘Tiberine pater,’ inquit, ‘te sancte precor, haec arma {20} et hunc militem propitio flumine accipias.’ Ita sic armatus in Tiberim desiluit, multisque superincidentibus telis incolumis ad suos tranavit, rem ausus plus famae habituram ad posteros quam fidei. LIVY, ii. 10.